Tej Uas Xyeem Pub Lub Thaj Rau (יחוח)Yahweh

1 Hnub uas Mauxes tsa (יחוח)Yahweh lub tsev ntaub tiav thiab tau ua kevcai hliv roj ywg lub tsev ntaub thiab txhua yam uas nyob hauv, tu kom dawb huv, thiab tau hliv roj ywg lub thaj thiab tej twj uas siv huvsi, tu kom dawb huv rau (יחוח)Yahweh lawm,

2 mas cov uas ua hlob hauv cov Ixayees, yog tej tsev neeg tus thawj, yog cov uas ua hlob hauv tej xeem uas saib xyuas cov uas suav cia lawd,

3 lawv coj qhov txhia chaw tuaj xyeem rau ntawm (יחוח)Yahweh xub ntiag, yog rau lub tsheb nyuj uas muaj ntaub kauv thiab kaum ob tug nyuj, ob tug uas ua hlob coj ib lub tsheb thiab ib leeg coj ib tug nyuj tuaj xyeem rau ntawm (יחוח)Yahweh lub tsev ntaub. 

4 (יחוח)Yahweh hais rau Mauxes tias,

5 cia li txais tej no ntawm lawv kom thiaj tau siv ua haujlwm ntawm lub tsev ntaub sib ntsib, thiab cia li muab rau cov Levis txhua tus raws li lawv tes hauj lwm uas lawv ua. 

6 Mauxes thiaj li txais tej tsheb nyuj thiab tej nyuj, muab rau cov Levis. 

7 Nws muab ob lub tsheb thiab ob nkawm nyuj rau Nkawsoos ceg raws li lawv tej haujlwm.

8 Nws muab plaub lub tsheb thiab plaub nkawm nyuj rau Melalis ceg raws li lawv tej haujlwm uas pov thawj Aloos tus tub Ithamas qhia kom lawv ua. 

9 Tiamsis nws tsis muab abtsi rau Khauhas ceg, vim lawv tej haujlwm yog tej yam uas dawb huv uas yuav tau kwv xwb.

10 Thiab cov uas ua hlob muab qhov txhia chaw xyeem ua kevcai pub lub thaj rau (יחוח)Yahweh rau hnub uas ua kevcai muab roj hliv ywg lub thaj ntawd. Cov uas ua hlob nyias taus nyias xyeem qhov txhia chaw ntawm lub thaj.

11 (יחוח)Yahweh hais rau Mauxes tias, cov uas ua hlob ib leeg tuaj xyeem ib hnub ua kevcai pub lub thaj rau kuv.

12 Tus uas muab qhov txhia chaw xyeem thawj hnub yog Aminadas tus tub Nasoos uas yog xeem Yahdah.

13 Yam uas nws muab xyeem yog muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

14 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

15 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos ua kevcai hlawv huvsi xyeem,

16 ib tug txiv tshis ua kevcai xyeem daws txim,

17 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo.  Tej no yog tej uas Aminadas tus tub Nasoos muab xyeem.   

18 Hnub uas ob Xu‑as tus tub Nethanees uas ua xeem Ixakhas tus thawj muab qhov txhia chaw tuaj xyeem.

19 Tej uas nws muab xyeem, yog muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puav leej muaj hmoov mog zoo zoo ntse roj puv nkaus hauv ua kevcai xyeem qoob loo,

20 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

21 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

22 ib tug txiv tshis ua kevcai xyeem daws txim,

23 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Xu‑as tus tub Nethanees muab xyeem. 

24 Hnub uas peb Heloos tus tub Elias uas ua xeem Xenpuloos tus thawj,

25 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm ()Yah-weh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

26 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

27 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

28 ib tug txiv tshis ua kevcai xyeem daws txim,

29 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Heloos tus tub Elias muab xyeem.

30 Hnub uas plaub Sede‑aws tus tub Elixus uas ua xeem Lunpees tus thawj,

31 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

32 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

33 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem, 34ib tug txiv tshis ua kevcai xyeem daws txim,

35 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Sede‑aws tus tub Elixus muab xyeem.

36 Hnub uas tsib Xulisadais tus tub Selumi‑ees uas ua xeem Xime‑oos tus thawj, 37 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees nyhav raws li tej sekhees uas siv hauv lub chaw pe hawm (יחוח)Yahweh, ob lub puav leej muaj hmoov mog zoo zoo ntse roj puv nkaus hauv ua kevcai xyeem qoob loo,

38 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

39 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

40 ib tug txiv tshis ua kevcai xyeem daws txim,

41 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Xulisadais tus tub Selumi‑ees muab xyeem.

42 Hnub uas rau De-u‑ees tus tub Eliyaxas uas ua xeem Nkas tus thawj,

43 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

44 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

45 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

46 ib tug txiv tshis ua kevcai xyeem daws txim,

47 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo.  Tej no yog tej uas De-u‑ees tus tub Eliyaxas muab xyeem.

48 Hnub uas xya Amihus tus tub Elisamas uas ua xeem Efas‑is tus thawj,

49 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puav leej muaj hmoov mog zoo zoo ntse roj puv nkaus hauv ua kevcai xyeem qoob loo,

50 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

51 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

52 ib tug txiv tshis ua kevcai xyeem daws txim,

53 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo.  Tej no yog tej uas Amihus tus tub Elisamas muab xyeem. 

54 Hnub uas yim Pedaxus tus tub Kamali‑ees uas ua xeem Manaxes tus thawj,

55 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

56 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

57 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

58 ib tug txiv tshis ua kevcai xyeem daws txim,

59 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Pedaxus tus tub Kamali‑ees muab xyeem. 

60 Hnub uas cuaj Kide‑aunis tus tub Anpidas uas ua xeem Npeeyamees tus thawj,

61 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

62 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

63 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

64 ib tug txiv tshis ua kevcai xyeem daws txim,

65 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Kide‑aunis tus tub Anpidas muab xyeem.

66 Hnub uas kaum Amisadais tus tub Ahiyexaws uas ua xeem Daj tus thawj,

67 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puavleej muaj hmoov mog zoo zoo ntse roj puv nkaus hauv ua kevcai xyeem qoob loo,

68 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

69 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

70 ib tug txiv tshis ua kevcai xyeem daws txim,

71 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Amisadais tus tub Ahiyexaws muab xyeem.

72 Hnub uas kaum ib Aukhas tus tub Paki‑ees uas ua xeem Asaws tus thawj,

73 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puav leej muaj hmoov mog zoo zoo ntse roj puv nkaus hauv ua kevcai xyeem qoob loo,

74 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

75 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

76 ib tug txiv tshis ua kevcai xyeem daws txim,

77 ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo.  Tej no yog tej uas Aukhas tus tub Paki‑ees muab xyeem.

78 Hnub uas kaum ob Enas tus tub Ahilas uas ua xeem Nathalis tus thawj,

79 muab tej no xyeem, muab ib lub tais pliab uas yog nyiaj nyhav 130 sekhees, ib lub phaj uas yog nyiaj nyhav 70 sekhees, nyhav raws li tej sekhees uas siv hauv lub chaw pe hawm (יחוח)Yahweh, ob lub puav leej muaj hmoov mog zoo zoo ntse roj puv nkaus hauv ua kevcai xyeem qoob loo,

80 thiab muab ib lub tais uas yog kub nyhav kaum sekhees muaj cov hmoov tshuaj tsw qab puv nkaus hauv,

81 thiab ib tug thav txiv nyuj, thiab ib tug txiv yaj, thiab ib tug menyuam txiv yaj uas hnub nyoog ib xyoos, ua kevcai hlawv huvsi xyeem,

82 ib tug txiv tshis ua kevcai xyeem daws txim, 83ob tug nyuj, tsib tug txiv yaj, tsib tug txiv tshis, thiab tsib tug menyuam txiv yaj hnub nyoog ib xyoos, tua ua kevcai xyeem sib raug zoo. Tej no yog tej uas Enas tus tub Ahilas muab xyeem.

84 No yog tej qhov txhia chaw uas cov ua thawj hauv cov Ixayees muab xyeem ua kevcai pub lub thaj rau (יחוח)Yahweh rau hnub uas ua kevcai muab roj hliv ywg lub thaj, mas yog li no, 12 lub tais pliab nyiaj, 12 lub phaj nyiaj, 12 ob lub tais kub,

85 ib lub tais pliab nyiaj ntawd nyhav 130 sekhees, ib lub phaj nyiaj ntawd nyhav 70 sekhees, mas cov nyiaj uas ua tej twj siv no huvsi nyhav 2,400 sekhees, raws li tej sekhees uas siv hauv lub chaw pe hawm (יחוח)Yahweh,

86 thiab 12 lub tais kub uas muaj tshuaj tsw qab puv nkaus hauv, mas ib lub nyhav 10 sekhees, raws li tej sekhees uas siv hauv lub chaw pe hawm (יחוח)Yahweh, mas cov kub uas ua tej tais no huvsi nyhav 120 sekhees. 

87 Tej tsiaj uas ua kevcai hlawv huvsi xyeem muaj 12 tug txiv nyuj thiab 12 tug txiv yaj thiab kaum ob tug menyuam txiv yaj hnub nyoog ib xyoos nrog cov uas ua kevcai xyeem qoob loo ua ke, thiab muaj 12 tug txiv tshis ua kevcai xyeem daws txim. 

88 Tej tsiaj uas tua ua kevcai xyeem sib raug zoo muaj 24 tug txiv nyuj, 60 tus txiv yaj, 60 tus txiv tshis thiab 60 tus menyuam txiv yaj uas hnub nyoog ib xyoos.  Tej no yog tej uas muab xyeem ua kevcai pub lub thaj rau (יחוח)Yahweh rau thaum uas ua kevcai hliv roj tag lawd.

89 Thaum Mauxes nkag mus rau hauv lub tsev ntaub sib ntsib thiab nrog (יחוח)Yahweh hais lus, mas nws hnov (יחוח)Yahweh lub suab hais hauv nruab nrab ob tug Khelunpees saum lub haus roos kev txhaum uas kaw lub phij xab uas ntim (יחוח)Yahweh tej lus. Mas (יחוח)Yahweh lub suab nrog nws hais lus.