XWM TXHEEJ TAUG KEV 10

Raj Xyu Nyiaj

1 (יחוח)Yahweh hais rau Mauxes tias,

2 muab nyiaj ntaus ua ob lub raj xyu mas siv hu cov pejxeem tuaj txoos ua ke thiab siv rau thaum tshais chaw tsiv mus.   

3 Thaum tshuab ob lub raj ntawd ua ke mas ib tsoom pejxeem sawvdaws yuav tau tuaj txoos ua ke cuag koj rau ntawm txojkev uas nkag rau hauv lub tsev ntaub sib ntsib. 

4 Tiamsis yog tshuab tib lub raj xwb ces cov uas ua hlob uas yog txhua xeem Ixayees tus thawj yuav tau tuaj cuag koj xwb.

5 Thaum uas tshuab raj txhib mas cov zos uas nyob sab hnub tuaj yuav tau sawv kev mus.

6 Thaum tshuab raj txhib zaum ob ces cov zos uas nyob sab nrad yuav sawv kev mus. Thaum twg yuav kom sawv kev mus mas yuav tshuab raj txhib.

7 Thaum twg yuav hu ib tsoom pejxeem tuaj txoos ua ke, kuj tshuab raj hu, tiamsis tsis txhob txhib. 

8 Aloos cov tub uas ua pov thawj yuav tshuab tej raj no. Ob lub raj no yog ib txoj kevcai rau nej coj ib tiam dhau ib tiam ib txhiab ib txhis mus li.

9 Thiab thaum nej ua rog rau hauv nej lub tebchaws uas muaj yeeb ncuab tuaj quab yuam nej, kuj cia li tshuab raj txhib kom (יחוח)Yahweh uas yog nej Tus Tswv thiaj li nco txog nej thiab cawm nej dim nej cov yeeb ncuab.

10 Hnub uas nej muaj kev zoo siab heev thiab hnub uas teem ua kevcai noj haus thiab hnub uas hli xiab ib, mas nej yuav tshuab raj rau thaum ua kevcai hlawv huvsi xyeem thiab thaum tua tsiaj ua kevcai xyeem sib raug zoo thiaj ua rau (יחוח)Yahweh uas yog nej Tus Tswv nco txog nej.  Kuv yog (יחוח)Yahweh yog nej Tus Tswv. 

​

Cov Ixayees Tshais Chaw Tsiv Ntawm Roob Xinais

11 Hnub tim nees nkaum lub ob hlis xyoo uas ob, tauv huab txawm sawv ntawm (יחוח)Yahweh lub tsev ntaub uas muaj (יחוח)Yahweh tej lus. 

12 Cov Ixayees kuj sawv kev mus ua ib ntus ib ntus tawm ntawm tebchaws moj sab qhua Xinais mus. Tauv huab ntawd los nres rau ntawm tebchaws moj sab qhua Palas. 

13 Lawv thiaj sawv kev mus raws li (יחוח)Yahweh kom Mauxes hais rau lawv, yog tsiv thawj zaug.

14 Xeem Yahdah lub zos tus chij sawv kev mus ua ib pab ib pab ua ntej, Aminadas tus tub Nasoos ua lawv tus thawj. 

15 Xu‑as tus tub Nethanees ua thawj coj xeem Ixakhas,

16 Heloos tus tub Elias ua thawj coj xeem Xenpuloos. 

17 Thaum lauj (יחוח)Yahweh lub tsev ntaub lawd mas Nkawsoos ceg thiab Melalis ceg uas muaj feem kwv (יחוח)Yahweh lub tsev ntaub sawv kev mus.

18 Xeem Lunpees lub zos tus chij sawv kev mus ua ib pab ib pab, Sede‑aws tus tub Elixus ua lawv tus thawj. 

19 Xulisadais tus tub Selumi‑ees ua thawj coj xeem Xime‑oos,

20 De‑u‑ees tus tub Eliyaxas ua thawj coj xeem Nkas. 

21 Khauhas ceg thiaj li sawv kev kwv txhua yam uas dawb huv mus.  Thaum cov no tsis tau mus txog, cov ua ntej twb tsa tau (יחוח)Yahweh lub tsev ntaub lawm.

22 Xeem Efas‑is lub zos tus chij sawv kev mus ua ib pab ib pab, Amihus tus tub Elisamas ua lawv tus thawj,

23 Pedaxus tus tub Kamali‑ees ua thawj coj xeem Manaxes,

24 Kide‑aunis tus tub Anpidas ua thawj coj xeem Npeeyamees.

25 Xeem Daj lub zos tus chij thiaj li sawv kev mus ua ib pab ib pab, ua pab kawg tom qab faj seeb txhua pab uas mus ua ntej lawd.  Amisadais tus tub Ahiyexaws ua lawv tus thawj.

26 Aukhas tus tub Paki‑ees ua thawj coj xeem Asaws, 27Enas tus tub Ahilas ua thawj coj xeem Nathalis.

28 Thaum cov Ixayees sawv kev tsiv mus mas lawv mus zuj zus ua ib pab ib pab raws li uas hais no. 

29 Mauxes hais rau nws pojniam tus nus Haunpas uas yog Le‑u‑ees tus tub yog tibneeg Midees hais tias, peb sawv kev mus kom txog lub chaw uas (יחוח)Yahweh hais tias, nws yuav pub rau peb.  Koj cia li nrog peb mus. Peb yuav ua zoo rau koj rau qhov (יחוח)Yahweh cog lus hais tias nws yuav pub yam uas zoo rau cov Ixayees.

30 Tiamsis nws teb Mauxes tias, kuv tsis mus, kuv yuav rov mus rau kuv teb kuv chaw rau kuv kwv kuv tij.   

31 Mauxes hais tias, thov koj tsis txhob ncaim peb mus li. Koj yeej paub lawm tias, peb yuav tsuam chaw nyob hauv tebchaws moj sab qhua rau qhovtwg mas koj yuav tau ua peb qhov ntsej qhov muag.

32 Yog koj nrog peb mus, (יחוח)Yahweh ua zoo li cas rau peb mas peb yuav ua zoo li ntawd rau koj.

33 Lawv thiaj sawv kev ntawm (יחוח)Yahweh lub roob mus tau peb hnub ke. (יחוח)Yahweh lub phij xab sib cog lus mus ua lawv ntej tau peb hnub, mus nrhiav chaw rau lawv tsuam.   

34 Thaum lawv tshais chaw sawv kev mus, (יחוח)Yahweh tauv huab nyob rawv saum lawv tag hnub li. 

35 Lub phij xab sawv kev mus thaum twg mas Mauxes hais tias, Au (יחוח)Yahweh, thov koj sawv tsees ua kom koj tej yeeb ncuab tawg khiav ua sab ua sua mus, ua kom koj tej tshawj chim khiav ntawm koj mus. 

36 Thaum lub phij xab nyob tus chaw, Mauxes hais tias, Au (יחוח)Yahweh, thov koj rov los nrog cov Ixayees uas coob suav tsis txheeb nyob