​

1 Dhau ntawd (יהושע)Yahshua mus mus los los hauv lub xeev Kalilais. Nws tsis xav tsiv mus rau hauv lub xeev Yahdah rau qhov cov tibneeg Yahdaim pheej nrhiav nws tua povtseg. 2 Thaum ntawd ze lub sijhawm uas cov Yahdaim ua kevcai nyob tsev pheeb suab.

3 (יהושע)Yahshua cov kwv txawm hais rau (יהושע)Yahshua hais tias, cia li tawm ntawm no mus rau nram Yahdah xwv koj cov thwjtim thiaj li pom tej haujlwm uas koj ua, 4 vim tsis muaj leejtwg xav tau koob meej es yuav ua haujlwm zais nkoos xwb. Yog koj yuav ua tej no koj cia li tshwm ntsej muag rau sawvdaws pom.

5 Txawm yog (יהושע)Yahshua cov kwv los kuj tsis ntseeg nws. 6(יהושע)Yahshua thiaj hais rau lawv hais tias, tsis tau txog kuv lub sijhawm. Tiamsis nej li mas lub sijhawm twg los kuj tau. 7 Lub ntiajteb tsis muaj chaw ntxub nej tiamsis ntxub kuv vim kuv ua timkhawv hais tias tej uas ntiajteb ua mas phem kawg li.

8 Nej cia li mus ua kevcai nyob tsev pheeb suab, kuv tsis mus ua zaum kevcai no vim tsis tau txog lub sijhawm uas teem cia rau kuv.

9 Thaum hais li ntawd tag lawd (יהושע)Yahshua tseem nyob hauv Kalilais.

​

(יהושע)Yahshua Mus Ua Kevcai Nyob Tsev Pheeb Suab

10 Thaum (יהושע)Yahshua cov kwv mus ua kevcai tsev pheeb suab tag lawm. (יהושע)Yahshua kuj mus thiab tiamsis nws mus twj-ywm tsis tab meeg rau sawvdaws pom.

11 Thaum ua zaum kevcai ntawd cov Yahdaim nrhiav (יהושע)Yahshua thiab nug hais tias, nws nyob qhovtwg? 12 Tej tibneeg sib ntxhi zom zaws txog (יהושע)Yahshua. Qee leej hais tias, nws yog tibneeg zoo, qee leej hais tias, tsis yog, nws ua rau cov tibneeg yuam kev xwb. 13 Tiamsis tsis muaj leejtwg tab meeg hais txog (יהושע)Yahshua vim yog ntshai cov Yahdaim. 14 Thaum twb ua kevcai txog nrab lawm, (יהושע)Yahshua nce mus qhuab qhia rau hauv lub tuam tsev. 15 Cov Yahdaim xav tsis thoob hais tias, tus no twb tsis tau kawm ntawv ua cas nws paub ua luaj li?

16 (יהושע)Yahshua teb lawv hais tias, tej lus uas kuv qhia tsis yog kuv li, tiamsis yog tus uas txib kuv los li. 17 Yog leejtwg xav ua raws li Abba (יחוח)Yahweh lub siab nyiam, tus ntawd yuav paub hais tias tej lus qhia no los ntawm Abba (יחוח)Yahweh los lossis kuv hais raws li kuv lub siab xwb. 18 Tus uas hais raws nws lub siab xwb yeej nrhiav koob meej rau nws tus kheej. Tiamsis tus uas nrhiav koob meej rau tus uas txib nws los tus ntawd yeej hais tseeb, tsis muaj ib qho dag li.

19 Mauxes muab txoj kevcai rau nej los tsis yog? Tiamsis nej cov tsis muaj ib tug tuav txoj kevcai ntawd. Nej nrhiav kev tua kuv ua abtsi? 20 Cov tibneeg ntawd teb hais tias, koj raug dab. Leejtwg nrhiav kev tua koj? 

21 (יהושע)Yahshua teb lawv hais tias, kuv tau ua ib yam xwb, nej txhua tus xav tsis thoob li. 22 Mauxes qhia nej ua kevcai txiav, tiamsis txoj kevcai txiav ntawd tsis yog tau ntawm Mauxes los, yog tau ntawm tej yawg koob thaum ub los. Nej twb muab tibneeg ua kevcai txiav rau hnub Sabbath. 23 Yog hnub Sabbath nej twb muab menyuam tub ua kevcai txiav kom thiaj tsis txhaum Mauxes txoj kevcai, ua cas nej tseem chim rau qhov uas kuv kho ib tug yawg zoo mob rau hnub Sabbath? 24 Tsis txhob txiav txim raws li lub qhov muag pom xwb, yuav tsum txiav raws li qhov ncaj.

​

(יהושע)Yahshua Yog Tus Messiah Lov?

25 Cov tibneeg hauv Yeluxalees qee leej thiaj hais tias, tus no tsis yog tus uas lawv nrhiav kev tua lov? 26 Nws twb nyob ntawm no nev, nws tabtom hais tab meeg los lawv tsis hais li cas rau nws. Nyaj cov uas ua hlob yeej paub tseeb hais tias tus no yog tus Messiah los tsis yog? 27 Tiamsis peb paub hais tias tus no tuaj qhovtwg tuaj. Thaum tus Messiah tshwm los yuav tsis muaj leejtwg paub hais tias nws tuaj qhovtwg tuaj.

 28 Thaum (יהושע)Yahshua qhuab qhia hauv lub tuam tsev nws txawm qw hais tias, nej yeej paub kuv thiab paub hais tias kuv tuaj qhovtwg tuaj. Tsis yog kuv tuaj raws li kuv lub siab xwb. Tus uas txib kuv tuaj mas muaj tseeb los nej tsis paub nws. 29 Kuv paub nws vim yog kuv tuaj ntawm nws tuaj thiab nws txib kuv tuaj. 30 Lawv txawm nrhiav kev ntes (יהושע)Yahshua tiamsis tsis muaj leejtwg nqis tes ntes nws vim tsis tau txog nws lub sijhawm. 31 Tiamsis muaj ntau leej hauv cov tibneeg ntawd ntseeg (יהושע)Yahshua thiab hais tias, thaum tus Messiah tshwm los, nws yuav ua tej txujci tseem ceeb ntau dua tus no ua thiab lov?

​

Tso Tibneeg Mus Ntes  (יהושע)Yahshua

32 Thaum cov Falixais hnov tej pejxeem sib ntxhi txog (יהושע)Yahshua li ntawd, cov pov thawj hlob thiab cov Falixais txawm txib tub teg tub taws mus ntes (יהושע)Yahshua.

33 (יהושע)Yahshua txawm hais tias, kuv yuav nrog nej nyob tsis ntev, ces kuv yuav rov mus cuag tus uas txib kuv tuaj.

34 Nej yuav nrhiav kuv los nrhiav tsis tau. Qhov chaw uas kuv nyob ntawd, nej mus tsis tau. 35 Cov Yahdaim txawm sib tham hais tias, tus yawg no yuav mus rau qhovtwg uas peb nim yuav nrhiav tsis tau nws? Nws yuav mus rau peb cov tibneeg uas nyob ua sab ua sua rau hauv cov Greek thiab qhia cov Greek lov? 

36 Qhov uas nws hais tias, nej yuav nrhiav kuv los nrhiav tsis tau, thiab qhov chaw uas kuv nyob ntawd, nej mus tsis tau, lub ntsiab yog li cas?

​

Tus Dej Uas Pub Txojsia

37 Hnub kawg uas lawv ua kevcai ntawd yog hnub tseem ceeb heev, (יהושע)Yahshua sawv ntsug qw nrov nrov hais tias, yog leejtwg nqhis dej, cia li los cuag kuv, kuv yuav muab dej rau nws haus.

38 Leejtwg ntseeg kuv yuav muaj raws li Abba (יחוח)Yahweh txojlus uas sau cia hais tias, tus dej uas cawm txojsia yuav txhawv ntws hauv tus ntawd lub siab los. 39 Qhov uas (יהושע)Yahshua hais ntawd yog hais txog Tus Ntsuj Plig uas yog leejtwg ntseeg (יהושע)Yahshua, tus ntawd yuav tau txais. Tseem tsis tau tso Tus Ntsuj Plig los vim (יהושע)Yahshua tseem tsis tau txais lub hwjchim ci ntsa iab.

​

Cov Tibneeg Muaj Kev Sib Cam

40 Thaum cov tibneeg tau hnov li ntawd, muaj qee leej hais tias, tus no yog tus xibhwb cev Abba (יחוח)Yahweh lus tiag tiag li.

41 Lwm tus kuj hais tias, tus no yog tus Messiah. Muaj qee leej hais tias, tus Messiah yuav tshwm hauv Kalilais tuaj lov? 

42 Abba (יחוח)Yahweh txojlus hais cia hais tias tus Messiah yuav tshwm hauv Daviv caj ces los thiab tshwm los hauv lub moos Npelehees uas Daviv ib txwm nyob los tsis yog? 43 Yog li no cov tibneeg thiaj sib cav txog (יהושע)Yahshua. 44 Qee leej xav ntes (יהושע)Yahshua tiamsis tsis muaj leejtwg kav nqis tes ntes nws li.

Cov Thawj Tsis Ntseeg

45 Cov tub teg tub taws rov qab mus cuag cov pov thawj hlob thiab cov Falixais. Lawv txawm nug cov tub teg tub taws hais tias, ua li cas nej tsis ntes nws los? 46 Cov tub teg tub taws teb hais tias, tsis tau muaj ib tug txawj hais li tus ntawd kiag li. 47 Cov Falixais teb lawv hais tias, nej raug nws ntxias lawm thiab lov? 48 Cov uas ua hlob thiab cov Falixais muaj leejtwg ntseeg nws thiab lov? 49 Tiamsis cov pejxeem no uas tsis paub Mauxes kevcai twb raug tsawm foom lawm. 50 Nikhaudemaus uas tom ntej tuaj cuag (יהושע)Yahshua thiab yog ib tug hauv lawv cov ntawd thiaj hais rau lawv hais tias, 51 peb txoj kevcai ib txwm txiav txim rau tibneeg ua ntej uas tsis tau hnov nws hais lossis tsis tau paub hais tias nws ua abtsi lov? 

52 Lawv txawm teb hais tias, koj tuaj pem Kalilais tuaj thiab lov? Koj sim tshawb saib, yuav pom hais tias tsis muaj ib tug xibhwb cev Abba (יחוח)Yahweh lus tshwm hauv Kalilais tuaj li.

​

Tus Pojniam Deev Hluas Nraug

[1][53 Ces lawv txawm nyias mus nyias tsev lawm.

​