​

1 (יהושע)Yahshua txawm mus rau ntawm lub roob Txiv Aulib. 2 Mas tagkis sawv ntxov nws tuaj rau hauv lub tuam tsev dua ib zaug. Cov tibneeg sawvdaws tuaj cuag (יהושע)Yahshua thiab nws zaum qhuab qhia lawv.

3 Ces cov xibhwb qhia Abba (יחוח)Yahweh kevcai thiab cov Falixais txawm coj ib tug pojniam uas raug ntes thaum deev hluas nraug tuaj cuag (יהושע)Yahshua, thiab kom nws sawv tab meeg ntawm cov tibneeg xubntiag.

4 Lawv hais rau (יהושע)Yahshua hais tias, Xibhwb, tus pojniam no raug ntes rau thaum tabtom deev hluas nraug. 5 Hauv phau kevcai Mauxes hais kom peb xuas pob zeb ntaus tus tibneeg zoo li no kom tuag. Koj yuav hais li cas? 6 Lawv hais li no sim (יהושע)Yahshua, lawv thiaj tau cai ntes nws. Ces (יהושע)Yahshua txawm khoov ntshis xuas ntiv tes sau rau hauv av. 7 Lawv tseem pheej nug tsis tu, (יהושע)Yahshua txawm sawv los hais rau lawv hais tias, nej cov leejtwg yog tus uas tsis muaj txim cia tus ntawd xub xuas pob zeb ntaus tus pojniam no.

8 (יהושע)Yahshua txawm rov khoov ntshis xuas ntiv tes sau rau hauv av dua.

9 Thaum lawv hnov (יהושע)Yahshua hais li ntawd lawv txawm tawm mus ib tug zuj zus cov laus xub mus ua ntej, tshuav (יהושע)Yahshua tib leeg thiab tus pojniam ntawd. sawv ntawm (יהושע)Yahshua xubntiag xwb 10 (יהושע)Yahshua sawv los hais rau tus pojniam ntawd hais tias, mentxhais, lawv dua twg tag lawm? Tsis muaj leejtwg rau txim rau koj lov? 11 Nws hais tias, Xibhwb, tsis muaj leejtwg li. Ces (יהושע)Yahshua txawm hais tias, kuv kuj tsis rau txim rau koj ib yam nkaus thiab. Cia li mus tsev, tsis txhob rov ua txhaum dua lawm nawb.]

​

(יהושע)Yahshua Yog Qhov Kaj Rau Lub Ntiajteb

12 (יהושע)Yahshua hais dua rau lawv hais tias, kuv yog qhov kaj rau lub ntiajteb. Tus uas raws kuv qab mus yuav tsis taug txojkev tsaus ntuj, tiamsis nws yuav muaj qhov kaj uas tau txojsia. 13 Cov Falixais txawm hais rau (יהושע)Yahshua hais tias, koj rov ua timkhawv txog koj tus kheej xwb. Koj tej lus timkhawv tsis muaj tseeb. 14 (יהושע)Yahshua teb hais tias, txawm yog kuv ua timkhawv rau kuv tus kheej, los kuv tej lus yeej muaj tseeb, rau qhov kuv paub hais tias kuv tuaj qhovtwg tuaj thiab yuav mus qhovtwg. Tiamsis nej cov tsis paub hais tias kuv tuaj qhovtwg tuaj thiab yuav mus rau qhovtwg. 15 Nej txiav txim raws li tibneeg ntiajteb txiav, kuv tsis txiav txim rau leejtwg. 16 Tiamsis yog kuv yuav txiav txim los kuv yeej txiav txim raug cai, rau qhov tsis yog kuv tib leeg txiav txim xwb, tiamsis kuv thiab Leej Txiv uas txib kuv los wb txiav txim ua ke.

17 Nej txoj kevcai muaj sau cia hais tias tej lus timkhawv uas muaj ob leeg hais yeej yog muaj tseeb.

18 Kuv ua timkhawv rau kuv tus kheej thiab Leej Txiv uas txib kuv los kuj ua timkhawv rau kuv thiab. 19 Lawv txawm hais rau (יהושע)Yahshua hais tias, koj Leej Txiv nyob qhovtwg? (יהושע)Yahshua teb hais tias, nej tsis paub kuv thiab tsis paub kuv Leej Txiv. Yog nej paub kuv, nej kuj yuav paub kuv Leej Txiv thiab. 20 (יהושע)Yahshua hais tej lus no ntawm lub txhab nyiaj rau thaum nws qhuab qhia hauv lub tuam tsev. Tiamsis tsis muaj leejtwg ntes nws, vim yog tsis tau txog nws lub sijhawm.

​

Lub Chaw Uas (יהושע)Yahshua  Mus Lawv Mus Tsis Tau

21 (יהושע)Yahshua hais dua rau lawv hais tias, kuv yuav ncaim nej mus, mas nej yuav nrhiav kuv, thiab nej yuav tuag rau hauv nej lub txim. Lub chaw uas kuv mus ntawd nej mus tsis tau. 22 Cov Yahdaim txawm hais tias, nws yuav rov tua nws tuag lov? Rau qhov nws hais tias, lub chaw uas kuv mus ntawd nej mus tsis tau. 23 (יהושע)Yahshua hais rau lawv hais tias, nej yog tibneeg ntiajteb, kuv yog tibneeg qaum ntuj, nej yog ntiajteb tug, kuv tsis yog ntiajteb tug. 24 Yog li no, kuv thiaj hais rau nej hais tias, nej yuav tuag rau hauv nej lub txim. Yog nej tsis ntseeg hais tias kuv yog tus ntawd, nej yeej yuav tuag rau hauv nej lub txim.

25 Lawv hais rau nws hais tias, koj yog leejtwg? (יהושע)Yahshua hais rau lawv hais tias, kuv yog tus uas kuv twb hais rau nej thaum chiv thawj lawd. 26 Kuv tseem tshuav ntau yam uas yuav hais thiab yuav txiav txim ntsig txog nej. Tiamsis tus uas txib kuv los ncaj ncees thiab tej uas kuv tau hnov ntawm tus ntawd, kuv hais rau ntiajteb paub. 27 Lawv tsis nkag siab hais tias (יהושע)Yahshua hais txog Leej Txiv rau lawv. 28 (יהושע)Yahshua txawm hais tias, thaum nej muab Neeg Leej Tub tsa rau saud, ces nej yuav paub hais tias kuv yog tus ntawd ntag, thiab paub hais tias kuv tsis ua ib yam abtsi raws li kuv lub siab xwb, tiamsis Leej Txiv qhia li cas kuv kuj hais li ntawd. 29 Tus uas txib kuv los kuj nrog nraim kuv, nws tsis tso kuv nyob ib leeg. Rau qhov kuv yeej ib txwm ua txhua yam raws li nws lub siab nyiam. 30 Thaum (יהושע)Yahshua hais tej lus ntawd, kuj muaj tibneeg coob ntseeg nws.

​

Abraham Cov Menyuam

31 (יהושע)Yahshua txawm hais rau cov Yahdaim uas ntseeg nws hais tias, yog nej tuav rawv kuv tej lus, nej kuj yog kuv cov thwjtim tiag tiag. 32 Thiab nej yuav paub qhov tseeb, thiab qhov tseeb yuav tso nej nyob ywj pheej.

33 Lawv txawm teb (יהושע)Yahshua hais tias, peb yog Abraham caj ces, peb tsis tau ua leejtwg qhev. Ua li cas koj hais tias, peb yuav tau nyob ywj pheej?

34 (יהושע)Yahshua teb lawv hais tias, kuv hais tseeb rau nej hais tias, txhua tus uas ua kev txhaum, kuj yog ua txojkev txhaum qhev. 35 Tus tub qhe yuav tsis nyob hauv Leej Txiv lub tsev mus ib txhis. Tsuas yog Leej Txiv tus tub uas tsis muaj kev txhaum thiab coj ncaj ncees thiaj nyob tau hauv lub tsev mus ib txhis xwb. 36 Vim li no yog Leej Tub tso nej nyob ywj pheej, nej yuav tau nyob ywj pheej tiag li. 37 Kuv paub hais tias nej yog Abraham caj ces, tiamsis nej nrhiav kev muab kuv tua pov tseg vim kuv tej lus tsis tau chaw nyob hauv nej. 38 Kuv hais txog tej uas kuv pom thaum kuv tseem nrog kuv txiv nyob ua ke, mas nej ua txhua yam raws nraim li nej pom nej Leej Txiv ua.

39 Lawv teb (יהושע)Yahshua hais tias, Abraham yog peb Leej Txiv. (יהושע)Yahshua txawm hais rau lawv hais tias, yog nej yog Abraham cov menyuam, ces nej yeej ua raws li Abraham ua.

40 Kuv twb hais qhov tseeb uas kuv tau hnov ntawm Abba (יחוח)Yahweh rau nej los nej tseem nrhiav kev tua kuv. Abraham twb tsis ua li no. 41 Nej ua tej uas nej txiv ua. Lawv hais rau (יהושע)Yahshua hais tias, peb tsis yog menyuam tsaub, peb muaj tib Leej Txiv xwb, yog Abba (יחוח)Yahweh.

​

Ntxwg Nyoog Cov Menyuam

42 (יהושע)Yahshua hais rau lawv hais tias, yog Abba (יחוח)Yahweh yog nej Leej Txiv, ces nej yuav hlub kuv rau qhov kuv los ntawm Abba (יחוח)Yahweh los thiab nyob ntawm no lawm. Kuv tsis yog los raws li kuv lub siab xav, yog Abba (יחוח)Yahweh txib kuv los. 43 Ua li cas nej tsis nkag siab tej lus uas kuv hais? Twb yog vim nej mloog tsis taus kuv tej lus. 44 Nej los ntawm nej txiv uas yog Ntxwg Nyoog, nej xav ua raws li nej txiv lub siab nyiam xwb. Nws yog tus tua tibneeg thaum chiv keeb los lawm, thiab nws tsis nyob hauv qhov tseeb vim nws tsis muaj qhov tseeb kiag li. Thaum nws hais dag, nws kuj hais raws li nws ib txwm hais, rau qhov nws yeej yog tus niag dag, thiab yog cov uas dag Leej Txiv.

45 Tiamsis twb yog vim kuv hais qhov tseeb nej thiaj tsis ntseeg kuv. 46 Nej cov muaj leejtwg hais tau hais tias kuv muaj txim? Yog kuv hais qhov tseeb, ua li cas nej tsis ntseeg kuv?

47 Tus uas los ntawm Abba (יחוח)Yahweh yeej mloog Abba (יחוח)Yahweh tej lus. Qhov uas nej tsis mloog Abba (יחוח)Yahweh lus, twb yog vim nej tsis los ntawm Abba (יחוח)Yahweh los.

​

(יהושע)Yahshua Thiab Abraham

48 Cov Yahdaim teb (יהושע)Yahshua hais tias, qhov uas peb hais tias koj yog tibneeg Xamalis thiab koj raug dab ntawd tsis tseeb lov? 49 (יהושע)Yahshua teb hais tias, kuv tsis raug dab. Kuv hwm kuv Leej Txiv tiamsis nej saib tsis taus kuv. 50 Kuv tsis nrhiav koob meej rau kuv. Muaj ib tug nrhiav rau kuv thiab nws yog tus uas yuav txiav txim. 51 Kuv hais tseeb rau nej hais tias, yog leejtwg khaws kuv tej lus, tus ntawd yuav tsis txawj tuag. Nws yuav tau txojsia ntev dhawv mus ib txhis.

52 Cov Yahdaim hais rau (יהושע)Yahshua hais tias, nimno peb paub lawm hais tias yeej yog koj raug dab. Abraham twb tuag lawm thiab cov xibhwb cev Abba (יחוח)Yahweh lus kuj tuag tag lawm. Tiamsis koj hais tias, yog leejtwg khaws kuv tej lus, tus ntawd yuav tsis txawj tuag thiab yuav tau txojsia ntev dhawv mus ib txhis. 53 Koj loj dua peb txiv Abraham uas twb tuag lawd lov? Cov xibhwb cev Abba (יחוח)Yahweh lus kuj tuag tag lawm thiab. Koj khav hais tias koj yog leejtwg? 

54 (יהושע)Yahshua teb hais tias, yog kuv huas koob meej rau kuv, kuv lub koob meej ntawd tsis muaj qabhau abtsi. Kuv txiv yog tus uas muab koob meej rau kuv, yog tus uas nej hais tias yog nej Leej Abba (יחוח)Yahweh.

55 Nej twb tsis paub nws, tiamsis kuv paub nws. Yog kuv hais tias kuv tsis paub nws, kuj yog kuv dag ib yam li nej. Tiamsis kuv paub nws thiab kuv tuav rawv nws tej lus. 56 Nej txiv Abraham zoo siab hais tias nws yuav pom hnub uas kuv los; nimno nws twb pom lawm, nws zoo siab kawg li. 57 Cov Yahdaim txawm hais rau (יהושע)Yahshua hais tias, koj hnub nyoog twb tsis tau txog tsib caug xyoo, koj txawm siv pom Abraham lawm lov? 

58 (יהושע)Yahshua hais rau lawv hais tias, kuv hais tseeb rau nej hais tias, thaum Aplaham tsis tau yug, yeej muaj kuv lawm. 59 Lawv txawm khaws pob zeb yuav ntaus nws, tiamsis (יהושע)Yahshua khiav nkaum thiab txim kiag hauv lawv nruab nrab tawm dhau hauv lub tuam tsev mus lawm.