Yahnah Thov (יחוח)Yahweh

1 Mas Yahnah nyob hauv ntses lub plab thov (יחוח)Yahweh  uas yog nws Tus Tswv, 2 hais tias, thaum kuv raug kev txom nyem kuv hu thov (יחוח)Yahweh , mas nws teb kuv. Kuv nyob hauv tub tuag teb lub plab quaj thov, mas koj mloog kuv lub suab.

3 Koj muab kuv pov rau hauv qhov uas tob heev rau hauv plawv hiavtxwv. Dej nyab laum nkaus kuv lawm. Koj tej niag nthwv dej thiab tej dej nphau nyab kiag kuv lawm.

4 Thaum ntawd kuv hais tias, kuv raug muab laim tawm ntawm koj lub xubntiag lawm, tiamsis kuv yeej yuav rov tsa muag saib koj lub tuam tsev uas dawb huv dua.

5 Dej nyab nkaus kuv, dej hiavtxwv twb vij nkaus kuv, tej ntxhuab hiavtxwv kuj rig kuv taubhau.

6 Kuv nqes mus rau hauv tej cag roob, ntiajteb tej las rooj kaw kuv cia mus ib txhis, los kuv Tus Tswv (יחוח)Yahweh , koj tseem coj kuv txojsia tawm hauv qhov tuag los.

7 Thaum kuv tus ntsuj plig tawm zuj zus hauv kuv lub cev, kuv nco txog (יחוח)Yahweh , thiab kuv tej lus thov tuaj txog koj, nkag mus rau hauv koj lub tuam tsev uas dawb huv.

8 Cov uas hwm tej dab mlom uas tsis muaj qabhau, yeej yog lawv muab tus uas hlub lawv tiag tso tseg.

9 Tiamsis kuv yuav tsa suab ua tsaug xyeem tsiaj rau koj, kuv yuav pauj tej uas kuv yeem lus cia lawd. Qhov uas cawm dim nyob ntawm (יחוח)Yahweh .

10 (יחוח)Yahweh  txawm hais rau tus ntses mas tus ntses thiaj muab Yahnah ntuav rau saum nruab nqhuab.