Yahnah Mus Txog Ninaves

1 (יחוח)Yahweh  hais lus tuaj rau Yahnah zaum ob hais tias, 2 cia li sawv tsees mus rau lub nroog loj Ninaves thiab tshaj tawm rau lub nroog ntawd raws li kuv hais rau koj.

3 Yahnah thiaj sawv tsees mus rau lub nroog Ninaves raws li (יחוח)Yahweh  tej lus. Ninaves yog lub nroog loj heev, dav heev mus peb hnub ke thiaj dhau.

4 Yahnah pib mus rau hauv lub nroog tau ib hnub ke, nws li qw hais tias, tshuav plaub caug hnub xwb Ninaves yuav raug puam tsuaj.

5 Cov pejxeem hauv lub nroog Ninaves kuj ntseeg (יחוח)Yahweh . Lawv tshaj tawm kom yoo mov. Lawv muab khaub seev tsaj los hnav, tus hlob tus yau huvsi.

6 Tej xov no nrov mus txog vajntxwv hauv Ninaves, mas nws sawv tsees saum nws lub zwm txwv, hle nws cev tsoos tsho tseg muab khaub seev tsaj los hnav thiab nyob hauv qhov tshauv.

7 Nws tawm ib tsab ntawv tshaj tawm thoob plaws lub nroog Ninaves hais tias, Vajntxwv thiab cov uas ua hlob tawm tsab ntawv no. Txwv tu nrho tibneeg thiab tsiaj txhu, tsis hais nyuj yaj tshis kom tsis txhob sim yaim ib yam abtsi li, tsis txhob noj tsis txhob haus dej li.

8 Cia tibneeg thiab tsiaj txhu hnav khaub seev tsaj, thiab kub siab lug thov (יחוח)Yahweh .

Cia txhua tus tig kiag ntawm nws txojkev phem los thiab ntawm tej kev limhiam ntais ntuj uas nws txhais tes ua.

9 Leejtwg yuav txawj paub? Tej zaum (יחוח)Yahweh  yuav ntxeev dua siab thiab tso nws txojkev npau taws ceev tseg, peb thiaj tsis puam tsuaj.

10 Thaum (יחוח)Yahweh  pom tej uas lawv ua thiab pom qhov uas lawv tig kiag ntawm lawv tej kev phem, (יחוח)Yahweh  kuj hloov siab tsis tso tej xwm txheej phem uas nws hais tias nws yuav tso los raug lawv lawm.