Yahnah Tsis Txaus Siab

1 Tej xwm txheej no tsis txaus Yahnah lub siab kiag li nws thiaj chim.

2 Nws thov (יחוח)Yahweh  tias, Au (יחוח)Yahweh , thaum kuv tseem nyob hauv kuv lub tebchaws, kuv yeej hais lawm tias yuav zoo li no los tsis yog? Twb yog vim li no kuv thiaj maj nroos khiav mus rau lub moos Thasis, rau qhov kuv paub tias koj yog Tus Tswv uas hlub thiab khuvleej, tsis chim sai, muaj txojkev hlub ruaj khov nplua mias, thiab ntxeev dua siab tsis tso tej xwm txheej phem los.

3 Au (יחוח)Yahweh, vim li no, nimno thov koj muab kuv txojsia rho mus, rau qhov kuv tuag kuj zoo dua li nyob.

4 Mas (יחוח)Yahweh  hais tias, qhov uas koj chim li kod zoo lov?

5 Yahnah txawm tawm mus rau nraum lub nroog, zaum ntawm ntug nroog sab hnub tuaj thiab ua ib lub tsev pheeb suab nyob. Nws zaum nkaum ntxoov ntxoo hauv lub tsev pheeb suab tos saib lub nroog ntawd yuav raug xwm txheej li cas.

6 (יחוח)Yahweh  ua kom ib tsob ntoo qaib tuaj hlob rau saum Yahnah ua ntxoov ntxoo roos nws lub taubhau nws thiaj tau zoo nyob. Vim tsob ntoo qaib no Yahnah thiaj zoo siab xyiv fab heev.

7 Tiamsis hnub tom qab thaum kaj ntug txoog, (יחוח)Yahweh  kom ib tug kab noj tsob ntoo qaib ntawd ua rau tuag tshav lawm.

8 Thaum hnub tawm lawd, (יחוח)Yahweh  tso cua ntsawj sab hnub tuaj kub lug tuaj, mas tshav ntuj kub Yahnah lub taubhau ua rau nws qaug zog heev, mas nws thov tias cia nws tuag. Nws hais tias, kuv tuag kuj zoo dua li nyob.

9 (יחוח)Yahweh  hais rau Yahnah tias, vim tsob ntoo qaib ntawd tsim nyog koj chim li kod lov? Yahnah teb tias, yeej tsim nyog kuv chim tuag li lawm.

10 Mas (יחוח)Yahweh  hais tias, koj khuvxim tsob ntoo uas koj tsis tau nqes dag nqes zog cog lossis ua kom hlob tuaj. Ib hmos xwb nws twb hlob tuaj lawm, ib hmos xwb kuj tuag lawm.

11 Tsis tsim nyog kuv yuav khuvxim lub nroog loj Ninaves no uas muaj pejxeem coob dua 120,000 leej uas tsis paub tias sab twg yog sab xis, sab twg yog sab laug thiab muaj tsiaj txhu coob heev lov?