Tej Vajntxwv Uas Mauxes Kov Yeej

1 No mus yog tej vajntxwv uas cov Ixayees kov yeej thiab txeeb tau lawv tej tebchaws uas nyob ntawm dej Yaladees sab tid uas yog sab hnub tuaj, yog txij ntua lub hav Anoos mus txog lub roob Hawmoos thiab tag nrho Alanpas sab hnub tuaj huvsi.

2 Lawv ntaus yeej cov Amaulais tus vajntxwv Xihoos uas nyob hauv lub moos Hesanpoos. Nws kav txij ntua lub moos Alau‑aws uas nyob ntawm ntug hav Anoos thiab txij ntua lub plawv hav ntawd mus txog tus dej Yanpos uas yog cov Asmoos ciam teb, tej no yog Kile‑as tebchaws ib nrab,

3 thiab kav Alanpas sab hnub tuaj mus txog ntua pem hiavtxwv Khineles thiab kav rau nram Npe Yesimaus mus txog Hiavtxwv Alanpas uas yog Hiavtxwv Ntsev, rau sab nrad mus txog taw roob Pixakas.

4 Thiab ntaus yeej Npasas tus vajntxwv Aus uas yog noob tibneeg Lefa‑is uas tshuav nyob hauv Athalaus thiab Ede‑is.

5 Aus kav lub roob Hawmoos thiab Xalekhas thiab tag nrho Npasas tebchaws mus txog cov Kesus thiab cov Ma‑akhas ciam teb, thiab kav Kile‑as tebchaws ib nrab mus txog Hesanpoos tus vajntxwv Xihoos ciam teb.

6 Mauxes uas yog (יחוח)Yahweh tus tub qhe thiab cov Ixayees kov yeej ob tug vajntxwv no thiab Mauxes uas yog (יחוח)Yahweh tus tub qhe muab lub tebchaws no tu rau xeem Lunpees thiab xeem Nkas thiab ib nrab xeem Manaxes yuav ua lawv teej lawv tug.

​

Tej Vajntxwv Uas Yahshua Kov Yeej

7 No mus yog cov vajntxwv uas Yahshua thiab cov Ixayees kov yeej sab dej Yaladees hnub poob txij ntua Npa‑as Nkas hauv lub hav Lenpanoos mus txog lub roob Halab uas sawv ntawm tebchaws Xe‑is. Yahshua muab tej tebchaws no rau txhua xeem Ixayees yuav ua lawv tug raws li uas faib rau lawv,

8 yog nyob pem tebchaws toj siab, thiab hauv tej pov roob Sefelas, hauv Alanpas thiab hauv tej ntav toj, hauv tebchaws moj sab qhua thiab hauv Nekes, uas yog cov Hithais, cov Amaulais, cov Khana‑as, cov Pelixais, cov Hivais thiab cov Yenpus li tebchaws.

9 Tej vajntxwv yog li no, yog Yelikhaus tus vajntxwv, Ais tus vaj ntxwv uas nyob ib sab ntawm Npe‑ees,

10 Yeluxalees tus vajntxwv, Henploos tus vajntxwv,

11 Yamus tus vajntxwv, Lakhis tus vajntxwv,

12 Eloos tus vajntxwv, Kexaws tus vajntxwv,

13 Denpis tus vajntxwv, Kedaws tus vajntxwv,

14 Haumas tus vajntxwv, Alaj tus vajntxwv,

15 Linas tus vajntxwv, Adulas tus vajntxwv,

16 Makhedas tus vajntxwv, Npe‑ees tus vajntxwv,

17 Thapuvas tus vajntxwv, Hefaws tus vajntxwv,

18 Afes tus vajntxwv, Lasaloos tus vajntxwv,

19 Madoos tus vaj ntxwv, Haxaus tus vajntxwv,

20 Siloomeloos tus vajntxwv, Asas tus vajntxwv,

21 Tha‑anas tus vajntxwv, Mekidaus tus vajntxwv,

22 Khedes tus vajntxwv, Yaune‑as tus vajntxwv hauv Khamees,

23 Daus tus vajntxwv hauv Nafadaus, Kauyis tus vajntxwv hauv Kilakas,

24 thiab Thilaxas tus vajntxwv, huvsi yog peb caug ib tug vajntxwv.