Faib Teb Rau Xeem Yahdah

1 Tej tebchaws uas faib rau xeem Yahdah raws li lawv tej cum, mas sab nrad yog txog Edoos tebchaws ciam teb, mus txog tebchaws moj sab qhua Xees uas kawg nkaus rau sab nrad.

2 Ciam teb sab nrad yog pib ntawm kaum hiavtxwv uas hlauv rau sab nram qab Hiavtxwv Ntsev,

3 mus rau ntawm txojkev hla lub dawm roob Akhanpis sab nrad mus rau Xees, mus kiag rau Khades Npanias sab nrad, mus txog lub moos Hexaloos, mus txog Adaj thiab nkhaus mus rau Khakhas,

4 hla mus txog Axamoos dhau plaws mus txog tus dej Iziv, taug dej mus kawg rau ntawm Hiavtxwv.  Tej uas hais no yog nej tus ciam teb sab nrad.

5 Ciam teb sab hnub tuaj yog txij ntua Hiavtxwv Ntsev mus txog ntua ntawm dej Yaladees tshuam hiavtxwv. Ciam teb sab ped txij ntua kaum hiavtxwv uas dej Yaladees tshuam,

6 tus ciam teb mus txog ntua Npes Haulas, hla lub moos Npes Alanpas sab ped, mas ciam teb mus txog ntua lub Pob Zeb Npauhas uas yog Lunpees tus tub.

7 Thiab ciam teb mus txog Denpis txij ntua hav Akhauj, ncaj nraim rau sab ped nkhaus mus txog ntawm Kilakas uas ncaj txojkev hla lub dawm roob Adumis uas nyob ntawm lub hav sab nrad. Thiab ciam teb mus txog qhov dej txhawv Eesemes mus kawg rau ntawm Eelaukees.

8 Ciam teb kuj taug lub hav Npeehinoos mus txog caj qaum roob sab nrad ntawm cov Yenpus lub moos (uas yog Yeluxalees). Ciam teb kuj mus txog lub ncov roob uas nyob hav Hinoos sab hnub poob uas nyob ntawm lub hauv hav Lefa‑is sab ped.

9 Ciam teb kuj mus ntawm lub ncov roob ntawd mus txog lub hauv dej txhawv Nethau‑as, thiab txij ntawd mus txog ntua tej moos saum lub roob Efoos, thiab ciam teb kuj nkhaus mus txog Npa‑alas uas yog Khiliyas Ye‑alis,

10 thiab ciam teb kuj nkhaus lug ntawm Npa‑alas sab hnub poob mus txog roob Xe‑is thiab hla mus txog lub roob Ye‑alis sab caj qaum roob ped uas yog Khexaloos nqis mus txog Npesemes thiab hla kiag Thinaj,

11 thiab ciam teb kuj mus rau ntawm caj qaum roob uas nyob ntawm Ekoos sab ped thiab nkhaus mus txog Sikheloos thiab hla kiag mus txog lub roob Npa‑alas dhau plaws mus txog Yane‑ees. Ciam teb kuj los kawg ntawm Hiavtxwv.

12 Ciam teb sab hnub poob yog raws ntug Hiavtxwv Loj. No yog tus ciam teb uas vij xeem Yahdah thiab lawv tej cum.

​

Khalej Kov Yeej Henploos Thiab Denpis

13 Raws li uas (יחוח)Yahweh hais rau Yahshua lawd mas Yahshua muab ib thaj teb hauv xeem Yahdah rau Yefunes tus tub Khalej, yog Khiliyas Anpas uas yog Henploos (Anpas yog Anaj txiv).

14 Khalej ntiab Anaj peb tug tub li caj ces khiav tawm qhov ntawd, yog Sesais thiab Ahimas thiab Thamais uas yog Anaj caj ces.

15 Thiab nws nce qhov ntawd mus ua rog rau cov uas nyob hauv Denpis. Lub moos Denpis yav nram ntej hu ua Khiliyas Xefaws.

16 Khalej hais tias, leejtwg ntaus tau lub moos Khiliyas Xefaws thiab txeeb tau lub moos ntawd mas kuv yuav muab kuv tus ntxhais Axav rau nws yuav ua pojniam.  

17 Mas Khenas uas yog Khalej tus kwv tus tub Auni‑ees txeeb tau lub moos ntawd mas Khalej muab nws tus ntxhais Axav rau nws yuav ua pojniam.

18 Thaum sib yuav lawd Axav txawm taij nws tus txiv thov leej txiv pub ib daim teb. Thaum Axav nqis saum tus nees luav los mas Khalej nug tias, koj xav yuav abtsi?

19 Axav teb tias, thov koj pub ib yam tshav ntuj rau kuv. Koj pub kuv mus nyob hauv tebchaws Nekes, mas thov pub tej lub hauv dej txhawv thiab. Khalej txawm muab lub hauv dej sab ped thiab lub hauv dej sab nrad rau nws.

​

Xeem Yahdah Tej Moos

20No mus yog xeem Yahdah thiab lawv tej cum qub txeeg qub teg.

21 Xeem Yahdah tej moos uas nyob nram qab teb kawg uas npuas Edoos ciam teb muaj npe hu li no yog Khaxe‑ees, Edaws, Yakus,

22 Khinas, Dimaunas, Adadas,

23 Khedes, Haxaus, Inas,

24 Xis, Thelees, Npe‑alaus,

25 Haxauhadathas, Kheli‑aus Hexaloos uas yog lub moos Haxaus,

26 Amav, Semas, Mauladas,

27 Haxakadas, Hesamoos, Npepeles,

28 Haxasu‑as, Npe‑awsenpas, Npixi‑authias,

29 Npa‑alas, Iyees, Exees,

30 Eethaulas, Khexis, Haumas,

31 Xilaj, Mama-nas, Xaxanas,

32 Lenpa-aus, Sihees, Ayis thiab Limoos. Huvsi muaj nees nkaum cuaj lub moos thiab tej zej zog ib ncig tej moos ntawd.

33 Tej moos uas nyob saum tej pov roob Sefelas, yog Etha‑oos, Xaulas, Asanas, 34 Xanau‑as, Eekanis, Thapuvas, Enas,

35 Yamus, Adulas, Xaukhaus, Axekhas,

36 Sa‑ala‑is, Aditha‑is, Kedelas thiab Kedelautha‑is. Huvsi muaj kaum plaub lub moos thiab tej zej zog ib ncig.

37 Thiab Xenas, Hadaxas, Midakas,

38 Dile‑as, Mixapes, Yauthe‑ees,

39 Lakhis, Npaukhas, Eloos,

40 Khanpoos, Lamas, Khilis,

41 Kedelaus, Npedakoos, Na‑amas thiab Makhedas.  Huvsi muaj kaum rau lub moos thiab tej zej zog ib ncig.  

42 Thiab Linas, Ethaws, Asas,

43 Ithas, Asanas, Nexis,

44 Khe‑ilas, Axij thiab Malesas.  Huvsi muaj cuaj lub moos thiab tej zej zog ib ncig.  

45 Ekhoos thiab tej moos thiab tej zej zog uas nyob ib ncig lub moos ntawd,

46 txij ntua Ekhoos mus txog Hiavtxwv txhua lub moos thiab tej zej zog uas nyob ze lub moos Asadaus.

47 Asadaus thiab tej moos thiab tej zej zog uas nyob ib ncig lub moos ntawd. Kaxas thiab tej moos thiab tej zej zog ib ncig mus txog ntua tus dej Iziv thiab tej ntug Hiavtxwv loj.

48 Tej moos uas nyob pem toj siab, yog Samis, Yathis, Xaukhaus,

49 Danas, Khiliyas Xanas uas yog lub moos Denpis,

50 Anab, Ethemaus, Anis,

51 Kausees, Hauloos thiab Kilaus.  Huvsi muaj kaum ib lub moos thiab tej zej zog ib ncig.

52 Thiab Alam, Dumas Esas,

53 Yanis, Npe Thapuvas, Afekhas,

54 Huthas, Khiliyas Anpas uas yog lub moos Henploos thiab Xi‑aus. Huvsi muaj cuaj lub moos thiab tej zej zog ib ncig.  

55 Thiab Ma‑oos, Khamees, Xis, Yuthas,

56 Yile‑ees, Yaude‑as, Xanau‑as,

57 Kha‑is, Kinpe‑as thiab Thinaj. Huvsi muaj kaum lub moos thiab tej zej zog ib ncig.

58 Thiab Hahus, Npexuv, Kedaus,

59 Ma‑alas, Npe‑anaus thiab Eethekhoos. Huvsi muaj rau lub moos thiab tej zej zog ib ncig.

60 Thiab Khiliyas Npa‑as uas yog lub moos Khiliyas Ye‑alis thiab Lanpas, ob lub moos ntawd thiab tej zej zog ib ncig.  

61 Tej moos hauv tebchaws moj sab qhua yog Npe Alanpas, Midis, Xekhakhas, 62 Nisas uas yog lub moos Ntsev thiab Eekedis.  Huvsi muaj rau lub moos thiab tej zej zog ib ncig.  

63 Cov tibneeg Yenpus uas nyob hauv Yeluxalees mas cov Yahdah ntiab tsis tau lawv khiav mus. Yog li no cov Yenpus thiaj nyob hauv cov Yahdah hauv Yeluxalees txog niaj hnub nimno.