Lub Thaj Ntawm Ntug Dej Yaladees

1 Thaum ntawd Yahshua hu xeem Lunpees thiab xeem Nkas thiab ib nrab xeem Manaxes tuaj,

2 mas hais rau lawv tias, nej twb ua raws li (יחוח)Yahweh tus tub qhe Mauxes hais rau nej lawm thiab nej mloog kuv lus thiab ua txhua yam uas kuv hais kom nej ua.

3 Ntev los txog niaj hnub nimno nej tsis tso nej cov kwvtij tseg, nej twb ceev faj ua raws li uas (יחוח)Yahweh uas yog nej Tus Tswv hais rau nej.

4 Nimno (יחוח)Yahweh uas yog nej Tus Tswv twb pub nej cov kwvtij tau so lawm, raws li nws tau cog lus tseg rau lawv.  Ces nej cia li rov qab mus tsev hauv lub tebchaws uas (יחוח)Yahweh tus tub qhe Mauxes muab pub rau nej ua nej teej nej tug sab dej Yaladees hnub tuaj.   

5 Nej yuav tau ceev faj ua raws li tej lus cob qhia thiab txoj kevcai uas (יחוח)Yahweh tus tub qhe Mauxes hais rau nej lawd. Nej yuav hlub (יחוח)Yahweh uas yog nej Tus Tswv thiab ua nej lub neej raws li nws txhua txojkev huvsi, thiab tuav rawv nws tej lus cob qhia thiab nrog nws tsheej xeeb, thiab ua koom tu nws kawg nej lub siab lub ntsws.

6 Yahshua thiaj foom koob hmoov rau lawv thiab xa lawv mus ces lawv txawm rov mus lawv vaj lawv tsev.

7 Ib nrab xeem Manaxes ntawd, Mauxes twb muab Npasas tebchaws rau lawv yuav ua lawv tug, tshuav ib nrab xeem ntawd mas Yahshua pub lawv nrog lawv cov kwvtij tau teej tug sab dej Yaladees hnub poob. Thaum Yahshua xa lawv mus tsev nws foom koob hmoov rau lawv,

8 thiab hais rau lawv tias, cia li rov qab mus nyias vaj nyias tsev, coj tej cuab txhiaj cuab tam muaj nplua mias, tej niag pab tsiaj tej nyiaj, thiab tej kub, tej tooj liab, tej hlau, thiab tej tsoos tsho ntau ntau mus. Muab tej uas nej txeeb yeeb ncuab li los ntawd faib rau nej cov kwvtij neej tsa.  

9 Cov Lunpees thiab cov Nkas thiab ib nrab xeem Manaxes tau ncaim cov Ixayees ntawm Silaus hauv Khana‑as tebchaws rov qab mus tsev rau hauv Kile‑as tebchaws, yog lub tebchaws uas lawv txeeb tau ua lawv tug raws li (יחוח)Yahweh kom Mauxes hais rau lawv lawd.

10 Thaum lawv los txog ntawm ntug dej Yaladees uas nyob Khana‑as sab tebchaws, cov Lunpees thiab cov Nkas thiab ib nrab xeem Manaxes txawm tib ib lub thaj xyeem rau ntawm dej Yaladees, yog ib lub thaj uas loj kawg li.

11 Mas cov Ixayees hnov luag hais tias, saib maj, cov Lunpees thiab cov Nkas thiab ib nrab xeem Manaxes ua tau ib lub thaj rau ntawm Khana‑as ciam teb uas ze ntug dej Yaladees sab uas yog Ixayees tebchaws.

12 Mas thaum cov Ixayees tau hnov li ntawd ib tsoom pejxeem Ixayees sawvdaws txawm sau zog ua ke rau ntawm Silaus yuav mus ua rog rau lawv.

13 Mas cov Ixayees thiaj txib pov thawj Ele‑axas tus tub Finehas mus cuag cov Lunpees thiab cov Nkas thiab ib nrab xeem Manaxes hauv Kile‑as tebchaws,

14 thiab kaum tus uas ua hlob, ib xeem ib tug uas puav

leej yog tus thawj hauv txhua cum Ixayees nrog nws mus.

15 Thaum lawv tuaj txog cov Lunpees thiab cov Nkas thiab ib nrab xeem Manaxes hauv Kile‑as tebchaws, lawv kuj hais rau cov ntawd tias,

16 (יחוח)Yahweh cov tibneeg sawvdaws hais li no tias, nej ua abtsi li no?  Nej ntxeev siab rau cov Ixayees Tus Tswv, es hnub no nej tso (יחוח)Yahweh tseg mus ua ib lub thaj rau nej xwb, yog hnub no nej tau sawv twv (יחוח)Yahweh lawm.  

17 Tej kev txhaum uas peb ua ntawm Pe‑aus tseem tsis txaus thiab lov? Los txog niaj hnub nimno peb tseem ntxuav tsis tau kom peb huv huv li thiab tej kev txhaum ntawd ua kom vij sub vij sw poob rau (יחוח)Yahweh cov tib neeg xwb.

18 Mas hnub no nej tseem yuav tso (יחוח)Yahweh tseg thiab lov?  

Hnub no yog nej sawv twv (יחוח)Yahweh mas tagkis nws yuav chim rau ib tsoom Ixayees sawvdaws.  

19 Yog nej lub tebchaws qias tsis huv, nej cia li hla mus rau hauv (יחוח)Yahweh lub teb-chaws uas muaj (יחוח)Yahweh lub tsev ntaub, los nrog peb tuav lub tebchaws ua teej ua tug. Tsis txhob sawv twv (יחוח)Yahweh thiab tsis txhob coj peb twv (יחוח)Yahweh es mus ua ib lub thaj rau nej uas tsis yog peb Tus Tswv lub thaj.

20 Xelag tus tub Akhas twb ua tsis ncaj rau tej uas muab cais pub rau (יחוח)Yahweh los tsis yog? Mas (יחוח)Yahweh txojkev chim thiaj li poob rau saum cov Ixayees sawvdaws. Tsis yog nws tib leeg puam tsuaj rau nws lub txim xwb.

21 Xeem Lunpees thiab xeem Nkas thiab ib nrab xeem Manaxes txawm teb cov thawj hauv txhua cum Ixayees tias,

22 tus uas muaj hwjchim loj kawg nkaus pom, yog Tus Tswv uas yog (יחוח)Yahweh.  Tus uas muaj hwjchim loj kawg nkaus pom, yog Tus Tswv uas yog (יחוח)Yahweh ntag. Nws yeej paub thiab cia cov Ixayees paub thiab.  Yog tias peb sawv twv thiab ua tsis ncaj rau (יחוח)Yahweh mas hnub no tsis txhob tseg peb txojsia li.

23 Qhov uas peb ua lub thaj ntawd, mas yog peb tso (יחוח)Yahweh tseg thiab siv ua kevcai hlawv huvsi xyeem thiab ua kevcai xyeem qoob loo thiab ua kevcai xyeem sib raug zoo rau saum lub thaj ntawd, mas cia (יחוח)Yahweh rau txim ntag.

24 Tsis yog li ntawd. Qhov uas peb ua li ntawd twb yog ntshai tsam lwm hnub nej tej tub ki yuav hais rau peb tej tub ki tias, nej muaj feem koom (יחוח)Yahweh uas yog cov Ixayees Tus Tswv abtsi?

25 Rau qhov (יחוח)Yahweh twb muab tus dej Yaladees ua ciam teb quas peb thiab nej cov Lunpees thiab cov Nkas lawm nev. Nej tsis muaj feem hauv (יחוח)Yahweh. Yog li ntawd peb ntshai tsam nej tej tub ki yuav ua rau peb tej tub ki tseg tsis pe hawm (יחוח)Yahweh.

26 Vim li no, peb thiaj hais tias, cia peb ua lub thaj no, tsis yog ua los siv ua tej kevcai hlawv huvsi xyeem lossis tua tsiaj xyeem.

27 Tiamsis yog peb ua los ua tsoob zeej timkhawv rau peb thiab nej, thiab rau lwm tiam uas dua peb lawm tias peb yeej yuav pe hawm ()Yahweh thiab ua tej kevcai hlawv huvsi xyeem thiab tua tsiaj xyeem thiab xyeem sib raug zoo rau ntawm (יחוח)Yahweh xubntiag, xwv nej tej tub ki thiaj hais tsis tau rau peb tej tub ki tom qab tias, nej tsis muaj feem hauv (יחוח)Yahweh.  

28 Peb xav tias yog muaj leejtwg hais li no rau peb lossis hais rau peb caj ces tom qab, peb kuj yuav hais tau tias, saib lub thaj no uas zoo yam li (יחוח)Yahweh lub thaj uas peb tej poj koob yawm txwv ua cia, tsis yog ua los siv ua kevcai hlawv huvsi xyeem lossis tua tsiaj xyeem, tiamsis yog ua los ua tsoob zeej timkhawv rau peb thiab nej xwb.

29 Peb yeej tsis yog yuav sawv twv (יחוח)Yahweh tso (יחוח)Yahweh tseg hnub no es ua dua ib lub thaj los ua tej kevcai hlawv huvsi xyeem thiab xyeem qoob loo thiab tua tsiaj xyeem, uas tsis yog (יחוח)Yahweh uas yog peb Tus Tswv lub thaj uas nyob ntawm (יחוח)Yahweh lub tsev ntaub.

30 Thaum pov thawj Finehas thiab cov ua hlob uas yog cov thawj hauv txhua cum Ixayees uas nrog nws nyob ua ke ntawd hnov tej lus uas cov Lunpees thiab cov Nkas thiab cov Manaxes hais ntawd mas lawv kuj txaus siab heev.

31 Pov thawj Ele‑axas tus tub Finehas hais rau cov Lunpees thiab cov Nkas thiab cov Manaxes tias, hnub no peb paub tseeb tias (יחוח)Yahweh nyob hauv peb nruab nrab, vim yog nej kuj tsis ntxeev siab rau

()Yahweh. Nimno nej tau pab cov Ixayees dim qhov uas (יחוח)Yahweh rau txim.  

32 Pov thawj Ele‑axa tus tub Finehas thiab cov uas ua hlob kuj tawm ntawm cov Lunpees thiab cov Nkas hauv Kile‑as tebchaws rov qab mus cuag cov Ixayees hauv Khana‑as tebchaws thiab qhia lawv paub.

33 Tej lus uas lawv mus qhia ntawd txaus cov Ixayees siab thiab cov Ixayees kuj qhuas (יחוח)Yahweh. Tsis muaj leejtwg yuav hais txog ua rog rau lawv thiab ua rau lub tebchaws uas cov Lunpees thiab cov Nkas nyob lawd puam tsuaj li lawm.

34 Cov Lunpees thiab cov Nkas hu lub thaj ntawd tias, lub thaj tsoob zeej timkhawv. Lawv hais tias lub thaj ua tsoob zeej timkhawv rau peb ob tog tias, (יחוח)Yahweh yog Tus Tswv.