Tib Kaum Ob Lub Pob Zeb

1 Thaum cov pejxeem sawvdaws hla tus dej Yaladees tag lawm, (יחוח)Yahweh hais rau Yahshua tias,

2 cia li xaiv kaum ob leeg hauv cov Ixayees, ib xeem ib leeg,

3 thiab hais kom lawv mus khaws kaum ob lub pob zeb hauv tus dej Yaladees no ncaj ntawm lub chaw uas cov pov thawj txhais kotaw tsuj, nqa los tso rau ntawm lub chaw uas hmo no nej pw.

4 Ces Yahshua txawm hu kaum ob leeg uas nws twb tsa hauv cov Ixayees ib xeem ib leeg lawm tuaj,

5 thiab Yahshua hais rau lawv tias, nej cia li mus rau ntawm (יחוח)Yahweh uas yog nej Tus Tswv lub phij xab hauv ntej hauv nruab nrab tus dej Yaladees thiab ib leeg kwv ib lub pob zeb ntawm xub pwg los raws li txhua xeem Ixayees,

6 xwv tej no thiaj ua tau lub chaw cim rau nej.  Lwm hnub thaum nej tej menyuam nug nej tias, tej pob zeb no lub ntsiab yog abtsi?  

7 Mas nej yuav teb tias tus dej Yaladees tu nrho tsis ntws rau ntawm (יחוח)Yahweh lub phij xab sib cog lus hauv ntej. Thaum lub phij xab ntawd hla tus dej Yaladees, tus dej cia li tu nrho. Tej pob zeb no yuav ua lub chaw rau cov Ixayees nco ntsoov mus ib txhis.

8 Cov Ixayees ntawd kuj ua raws li Yahshua hais. Lawv thiaj khaws kaum ob lub pob zeb hauv nruab nrab tus dej Yaladees los raws li txhua xeem Ixayees, ib yam li (יחוח)Yahweh tau hais rau Yahshua lawd.  Lawv thiaj kwv los rau ntawm lawv lub chaw tsuam thiab muab tso rau qhov ntawd.

9 Thiab Yahshua ho muab dua kaum ob lub pob zeb tib rau hauv nruab nrab tus dej Yaladees ncaj qhov chaw uas cov pov thawj uas kwv lub phij xab sib cog lus tsuj. Tej pob zeb ntawd kuj nyob los txog niaj hnub nimno. 

10 Cov pov thawj uas kwv lub phij xab sawv nres hauv nruab nrab tus dej Yaladees mus txog thaum txhua yam tiav raws li (יחוח)Yahweh kom Yahshua hais rau cov pejxeem ua thiab raws li txhua yam uas Mauxes tau hais rau Yahshua. Cov pejxeem kuj maj nroos hla mus.

11 Thaum cov pejxeem sawvdaws hla mus tag lawm, (יחוח)Yahweh lub phij xab thiab cov pov thawj li hla mus ua cov pejxeem ntej.

12 Xeem Lunpees thiab xeem Nkas thiab ib nrab xeem Manaxes tuav rawv cuab yeej ua rog hla ua cov Ixayees ntej mus, raws li Mau-xes tau hais rau lawv lawd.

13 Cov uas tuav rawv cuab yeej ua rog muaj kwvlam plaub vam leej hla mus tab meeg (יחוח)Yahweh lub xubntiag mus rau ntawm lub nras tiaj Yeli-khaus npaj txhij yuav ua rog.

14 Hnub ntawd (יחוח)Yahweh tau tsa Yah-shua ua loj tab meeg cov Ixayees sawvdaws, lawv thiaj hwm nws tag nws sim neej ib yam li lawv tau hwm Mauxes.

15 (יחוח)Yahweh hais rau Yahshua tias,

16 cia li hais kom cov pov thawj uas kwv lub phij xab uas ntim (יחוח)Yahweh tej lus nce hauv tus dej Yaladees los.

17 Yahshua thiaj hais rau cov pov thawj tias, cia li nce hauv tus dej Yaladees los. 18 Thaum cov pov thawj uas kwv (יחוח)Yahweh lub phij xab sib cog lus nce hauv tus dej Yaladees los, thiab thaum cov pov thawj txhais xib taws tsuj kiag saum nqhuab, cov dej Yaladees rov ntws los rau qhov qub thiab nyab kiag ob sab ntug li qub.

19 Cov pejxeem hla tus dej Yaladees mus yog hnub xiab kaum lub ib hlis, thiab mus tsuam chaw rau ntawm Kilakas uas nyob Yelikhaus ciam teb sab hnub tuaj.

20 Kaum ob lub pob zeb uas lawv khaws hauv tus dej Yaladees ntawd Yahshua kuj muab tib rau ntawm Kilakas.

21 Nws hais rau cov Ixayees tias, lwm hnub thaum nej tej menyuam nug leej txiv hais tias, tej pob zeb no lub ntsiab yog abtsi?

22 Mas nej yuav qhia rau nej tej menyuam paub tias, cov Ixayees taug kev qhuav qhawv hla tus dej Yaladees.

23 (יחוח)Yahweh uas yog nej Tus Tswv ua rau tus dej Yaladees qhuav qhawv rau nej mus txog thaum nej hla mus tag huvsi, ib yam li (יחוח)Yahweh uas yog nej Tus Tswv tau ua rau dej Hiavtxwv Liab qhuav qhawv mus txog thaum peb hla mus tag huvsi.

24 Kom ib tsoom tibneeg thoob ntiajteb thiaj paub tias (יחוח)Yahweh txhais tes muaj hwj chim loj thiab nej thiaj hwm thiab paub ntshai (יחוח)Yahweh uas yog nej Tus Tswv mus ib txhis.