Tej Lus Hais Txog Vajntxwv Hauv Nroog Thailab

1 (יחוח)Yahweh hais lus tuaj rau kuv tias, 2 Tibneeg tus tub, cia li hais rau tus thawj hauv lub nroog Thailab tias, (יחוח)Yahweh hais li no tias, koj lub siab khav theeb thiab koj hais tias, kuv yog ib tug tswv, kuv nyob saum (יחוח)Yahweh lub zwm txwv hauv nruab nrab hiavtxwv. Tiamsis koj tsuas yog tibneeg xwb, tsis yog (יחוח)Yahweh, txawm yog koj xam pom tias koj ntse li ib tug (יחוח)Yahweh. 3 Koj ntse dua Daniyees tiag, tsis muaj ib yam abtsi uas koj tsis paub. 4 Koj siv koj lub tswvyim thiab koj kev txawj ntse nrhiav tau nyiaj txiag rau koj, thiab sau tej nyiaj tej kub los rau hauv koj tej txhab. 5 Koj siv koj lub tswvyim loj kawg uas txawj ua lag ua luam koj thiaj tsav tau koj tej nyiaj txiag tau ntau zuj zus rau koj, thiab koj lub siab thiaj khav theeb rau koj tej nyiaj txiag. 6 Vim li no (יחוח)Yahweh hais li no tias, vim koj xam pom tias koj ntse ib yam li (יחוח)Yahweh, 7 vim li no kuv yuav coj lwm haiv neeg tuaj tawm tsam koj, yog haiv neeg uas ua nruj ua tsiv heev dua ib tsoom tebchaws huvsi. Lawv yuav rho ntaj tawm tsam tej kev zoo nkauj uas koj tus tswvyim ua thiab ua puas tsuas koj lub koob meej. 8 Lawv yuav thawb koj mus rau hauv tub tuag teb, koj yuav tuag rau hauv hiavtxwv ib yam li raug tua. 9 Koj tseem yuav hais tias, kuv yog (יחוח)Yahweh, tab meeg cov uas tua koj lov? Koj tsuas yog tibneeg xwb, uas nyob hauv cov uas ntaus koj txhais tes,koj tsis yog(יחוח)Yahweh. 10 Koj yuav tuag yam nkaus li cov uas tsis ua kevcai txiav tuag rau hauv lwm haiv neeg txhais tes vim kuv twb hais cia lawm. (יחוח)Yahweh hais li no ntag. Quaj ntsuag Thailab tus vajntxwv.

11 (יחוח)Yahweh hais dua lus tuaj rau kuv tias, 12 Tibneeg tus tub, cia li tsa suab hu zaj nkauj ntsuag rau Thailab tus vajntxwv, thiab hais rau nws tias, (יחוח)Yahweh hais li no tias, koj txeev ua lub nplhaib nias cim uas zoo tshaj plaws, koj muaj tswvyim kawg, thiab zoo nkauj kawg nkaus. 13 Koj txeev nyob hauv Edees, uas yog (יחוח)Yahweh lub vaj. Txhua yam qe zeb hlaws muaj nqes muab lo rau koj lub tsho, yog qe zeb liab tsim tseb, qe zeb daj pes lis, thiab qe zeb daj tshiab tshiab, qe zeb ntsuab lam lug, qe zeb ntsuab pes xiab, thiab qe zeb iav txho ci lam lug, qe zeb phaithu tsamxem, qe zeb ntsuab liab, thiab qe zeb ntsuab txho. Tej hlaws qe zeb no muab saib rau hauv lub tais kub thiab tej uas txaij nraug zees yog kub. Tej no twb npaj cia rau koj rau hnub uas tsim koj.

14 Thaum kuv tsim koj kuv muab ib tug tubtxib Khelunpee‎s tsom kwm koj, koj txeev nyob saum (יחוח)Yahweh lub roob uas dawb huv, koj mus los ntawm tej lag zeb uas ci lam lug li nplaim taws. 15 Koj lub neej tsis muaj chaw thuam li txij hnub uas tsim koj, los txog thaum pom kev txhaum txim tshwm hauv koj.

16 Qhov uas koj ua lag ua luam ntau nplua mias ntawd koj kuj ua nruj ua tsiv thiab koj ua txhaum muaj txim, kuv thiaj muab koj laim ntawm (יחוח)Yahweh lub roob mus vim koj qias vuab tsuab, thiab tus tubtxib Khelunpee‎s uas tsom kwm koj ntiab koj tawm hauv tej lag zeb uas ci lam lug li nplaim taws mus. 17 Koj lub siab khav theeb vim yog qhov uas koj zoo nkauj, qhov uas koj muaj koob meej ua rau koj lub tswvyim ruam zuj zus. Kuv muab koj laim rau hauv pem teb lawm, kuv muab koj nthuav rau tej vajntxwv saib, xwv lawv lub qhov muag thiaj saib ntsoov koj. 18 Vim koj ua phem ntau kawg rau kev ua lag ua luam tsis ncaj, koj thiaj ua qias puas tsuas koj lub chaw pe hawm. Vim li no kuv thiaj coj hluavtaws hauv nruab nrab koj los. Hluavtaws kub koj tag, kuv ua rau koj ciaj pluav tshauv tag rau hauv av tab meeg txhua tus uas saib ntsoov. 19 Ib tsoom tibneeg tej uas paub koj kuj poob siab nthav txog koj. Koj los txog qhov kawg uas txaus ntshai kawg, thiab ploj ntais mus ib txhis.  Tej lus hais txog Xaidoos

20 (יחוח)Yahweh hais lus tuaj rau kuv tias, 21 Tibneeg tus tub, cia li tsom ntsoov rau Xaidoos thiab cev (יחוח)Yahweh lus tawm tsam lub moos ntawd, 22 thiab hais tias, (יחוח)Yahweh hais li no tias, Xaidoos es, saib maj, kuv tawm tsam koj, kuv yuav ua kuv lub hwjchim ci ntsa iab tshwm los rau hauv koj. Mas luag yuav paub tias kuv yog Yah-weh rau thaum kuv teem txim rau lub moos ntawd, thiab ua kuv txojkev dawb huv tshwm rau hauv lub moos ntawd. 23 Vim yog kuv yuav tso mob kis los rau hauv nws thiab tso ntshav los rau hauv nws tej kev. Tibneeg yuav raug tua tuag pawg lug rau hauv nws, yuav raug tuag rau tej hniav ntaj uas tuaj txhua fab tuaj ntaus nws. Mas lawv yuav paub tias kuv yog (יחוח)Yahweh.

24 Cov Ixayees mas yuav tsis muaj pos kaus ntsaj los chob thiab tsis muaj pos kaus ntsim los tsuab dua li lawm, rau hauv nruab nrab tej tebchaws uas nyob ib ncig lawv uas txeev ua saib tsis taus lawv. Mas lawv yuav paub tias kuv yog (יחוח)Yahweh.

25 (יחוח)Yahweh hais li no tias, thaum kuv sau zog cov Ixayees hauv tej tebchaws uas lawv khiav ri sua mus lawm, thiab thaum kuv ua kuv txojkev dawb huv tshwm rau hauv lawv tab meeg ib tsoom tebchaws pom, mas lawv yuav tau nyob hauv lawv lub tebchaws uas kuv twb muab pub rau kuv tus tub qhe Yakhauj lawm. 26 Mas lawv yuav tau nyob hauv lub tebchaws ntawd tso siab plhuav, lawv yuav ua vaj ua tsev thiab cog vaj txiv hmab. Thaum kuv txiav txim rau tej tibneeg uas nyob ib ncig lawv uas ua saib tsis taus lawv tag lawm, mas lawv yuav nyob tso siab plhuav. Mas lawv yuav paub tias kuv yog

(יחוח)Yahweh yog lawv Tus Tswv.