Txiav Txim Rau Iziv

1 (יחוח)Yahweh hais lus tuaj rau kuv tias, 2 tibneeg tus tub, cia li cev (יחוח)Yahweh lus thiab hais tias, (יחוח)Yahweh hais li no tias, cia li quaj nyiav hais tias, hnub uas teem cia los txog lauj! 3 Vim tias hnub ntawd los ze lawm, (יחוח)Yahweh hnub los ze lawm yog hnub uas muaj huab, yog lub sijhawm uas ib tsoom tebchaws raug lawv lub khuab. 4 Ib rab ntaj yuav los raug Iziv, thiab txoj kev lwj siab yuav nyob hauv Khuj teb-chaws rau thaum muaj tibneeg raug tua tuag rau hauv Iziv, thiab Iziv tej nyiaj txiag raug muab coj mus, thiab Iziv tebchaws raug muab ua pob tag nrho txog tej taw loog. 5 Khuj thiab Phuj thiab Lus thiab Alanpias thiab Linpias thiab cov tibneeg hauv tej tebchaws uas nrog lawv sib cog lus, yuav nrog lawv raug hniav ntaj tuag ua ke. 6 (יחוח)Yahweh hais li no tias, Cov uas pab Iziv yuav tuag tag thiab nws lub hwjchim uas nws khav yuav vau tag, txij ntawm lub moos Midoos txog Xi‑enes lawv yuav raug hniav ntaj tuag tag hauv lub tebchaws ntawd. (יחוח)Yahweh hais li no ntag. 7 Nws yuav nyob do cuas cia rau hauv nruab nrab ib tsoom tebchaws uas nyob do cuas cia lawm, thiab nws tej moos yuav nyob hauv nruab nrab tej moos uas raug muab tso tseg piam tag lawd. 8 Mas lawv yuav paub tias kuv yog (יחוח)Yahweh, rau thaum kuv hlawv Iziv thiab cov uas pab nws sawvdaws raug muab ua kom puam tsuaj tag lawm. 9 Hnub ntawd tej tubtxib yuav caij nkoj tawm ntawm kuv mus xwv thiaj ua rau cov tibneeg Khuj uas nyob tsis txob tsis txhawj abtsi ntshai tshee hnyo, thiab txojkev lwj siab yuav los raug lawv rau hnub uas teem rau cov Iziv. Saib maj, hnub ntawd los txog tiag tiag li.

10 (יחוח)Yahweh hais li no tias, kuv yuav ua rau Iziv tej nyiaj txiag cuab txhiaj cuab tam ploj tag, yog siv vajntxwv Nenpukhanexas hauv Npanpiloo‎s txhais tes ua.

11 Nenpukhanexas thiab nws cov tibneeg, uas ua nruj ua tsiv heev dua lwm lub tebchaws huvsi, yuav raug muab coj tuaj ua kom lub tebchaws ntawd puam tsuaj. Lawv yuav rho ntaj tawm tsam Iziv thiab ua rau tibneeg tuag puv nkaus lub tebchaws. 12 Thiab kuv yuav ua rau tus dej Nai‎s qhuav, thiab kuv yuav muab lub tebchaws ntawd muag rau hauv cov tibneeg phem txhais tes. Kuv yuav siv lwm haiv neeg txhais tes ua rau lub tebchaws thiab txhua yam uas nyob hauv nyob do cuas cia. Kuv uas yog (יחוח)Yahweh tau hais cia li no lawm. 13 (יחוח)Yahweh hais li no tias, kuv yuav ua rau tej dab mlom puam tsuaj, thiab ua rau tej dab mlom hauv lub moos Meefis piam tag, thiab yuav tsis muaj leejtwg ua thawj kav Iziv tebchaws dua li lawm, thiab kuv yuav tso txojkev ntshai rau hauv Iziv tebchaws. 14 Kuv yuav ua rau lub moos Palaus nyob do cuas cia, thiab yuav hlawv lub moos Xau‑as, thiab yuav txiav txim rau lub moos Thenpes. 15 Kuv yuav nchuav kuv txojkev npau taws rau saum lub moos Peluxi‑ees, uas yog Iziv lub chaw ruaj khov, kuv yuav txiav tej tibneeg coob coob hauv lub moos Thenpes pov tseg. 16 Kuv yuav hlawv Iziv tebchaws, lub moos Peluxi‑ees yuav raug txom nyem mob heev, lub moos Thenpes yuav tawg, thiab yeeb ncuab yuav tuaj ua rog rau lub moos Meefis nruab hnub nrig. 17 Cov txivneej uas tseem hluas hauv lub moos Oos thiab lub moos Phinpexes yuav raug hniav ntaj tuag tag, cov uas tsis tuag yuav raug ntes coj mus.

18 Lub moos Thapahes yuav tsaus ntuj rau thaum tav su, rau thaum kuv muab Iziv tus quab ua kom puam tsuaj, thiab thaum nws lub hwjchim uas nws khav ploj ntais. Yuav muaj huab laum nkaus lub moos, thiab nws tej ntxhais yuav raug ntes coj mus. 19 Kuv yuav txiav txim rau Iziv yam li no ntag. Mas lawv yuav paub tias kuv yog (יחוח)Yahweh.

20 Hnub xiab xya, lub ib hlis, xyoo kaum ib, (יחוח)Yahweh hais lus tuaj rau kuv tias, 21 tibneeg tus tub, kuv twb muab Falaus‎ vajntxwv Iziv txhais npab lov lawm. Saib maj, tsis muaj leejtwg muab ntaub los qhwv nws txhais npab kho kom zoo, kom nws txhais npab thiaj muaj zog siv tau ntaj.

22 Vim li no, (יחוח)Yahweh hais li no tias, kuv tawm tsam Falaus‎ vajntxwv Iziv, thiab kuv yuav lov nws ob txhais npab, tsis hais txhais uas twb lov lawm thiab txhais uas tseem muaj zog. Kuv yuav ua kom ntaj plam hauv nws txhais tes.

23 Kuv yuav ua rau cov Iziv khiav ri sua mus rau hauv ib tsoom tebchaws, thiab ntiab lawv mus nyob rau luag tej tebchaws.

24 Kuv yuav ua kom vajntxwv hauv Npanpi-loo‎s txhais npab muaj zog, thiab muab kuv rab ntaj rau hauv nws txhais tes, tiamsis kuv yuav lov Falaus‎ txhais npab mas nws yuav ntsaj laws ntawm vajntxwv Npanpiloo‎s xubntiag ib yam li tus uas raug mob heev twb yuav tuag. 25 Kuv yuav pub zog rau vajntxwv Npanpiloo‎s txhais npab, tiamsis Falaus‎ txhais npab yuav dai vias. Mas lawv thiaj li paub tias kuv yog (יחוח)Yahweh. Thaum kuv muab kuv rab ntaj rau vajntxwv hauv Npanpiloo‎s txhais tes, mas nws yuav tsa kiag ntaj tawm tsam Iziv tebchaws. 26 Kuv yuav ua rau cov Iziv khiav ri sua mus rau hauv ib tsoom tebchaws, thiab ntiab lawv mus nyob rau luag tej tebchaws. Mas lawv thiaj li paub tias kuv yog (יחוח)Yahweh.

​