Cov Uas Poob Tebchaws Yuav Rov Los

1 (יחוח)Yahweh hais tias, cov uas yug yaj yuav raug txom nyem lauj! Lawv yog cov uas ua rau kuv pab yaj puam tsuaj tawg ri sua hauv kuv lub tshav zaub. 2 Vim li no, (יחוח)Yahweh uas yog Ixayees Tus Tswv hais li no txog cov yug yaj uas saib xyuas kuv cov tibneeg tias, nej muab kuv pab yaj ua tawg ri sua thiab muab lawv ntiab khiav tag, thiab nej kuj tsis mob siab saib xyuas lawv. Saib maj, kuv yuav ua tib zoo saib nej vim tej kev phem uas nej ua. (יחוח)Yahweh hais li no ntag. 3 Mas kuv yuav sau kuv pab yaj uas tseem tshuav nyob tawm hauv txhua lub tebchaws uas kuv ntiab lawv mus nyob rov qab los, thiab kuv yuav coj lawv rov los txog lawv lub nkuaj mas lawv yuav muaj menyuam coob thiab huaj vam tuaj. 4 Kuv yuav tsa cov yug yaj los kav lawv yog cov uas mob siab saib xyuas lawv thiab lawv yuav tsis ntshai li lawm, yuav tsis poob siab nthav thiab tsis muaj ib tug ploj li.  

(יחוח)Yahweh hais li no ntag. 5 (יחוח)Yahweh hais tias, saib maj, lub caij lub nyoog tabtom los yuav txog mas kuv yuav tsa Daviv caj ces ib tug ceg uas ncaj ncees mas tus ntawd yuav ua vajntxwv kav thiab muaj tswvyim ua txhua yam thiab txiav txim ncaj thiab ua ncaj ncees rau hauv lub tebchaws. 6 Thaum nws ua vaj-ntxwv kav, Yahdah yuav tau kev dim thiab Ixayees yuav nyob tso siab plhuav. Yuav hu nws lub npe hais tias (יחוח)Yahweh uas yog peb txojkev ncaj ncees. 7 Vim li no (יחוח)Yahweh hais tias, lub caij lub nyoog tabtom los yuav txog mas tibneeg yuav tsis twv hais tias Muaj (יחוח)Yahweh tus muaj txojsia nyob uas coj cov Ixayees tawm hauv Iziv tebchaws los pom, 8 tiamsis yuav hais tias, Muaj (יחוח)Yahweh tus muaj txojsia nyob uas coj cov Ixayees tawm hauv tebchaws sab ped thiab hauv txhua lub tebchaws uas nws muab lawv ntiab mus nyob lawm rov los pom. Mas lawv yuav tau nyob hauv lub tebchaws uas yeej yog lawv li.

Cem Cov Cuav Xibhwb Cev (יחוח)Yahweh Lus

9 Tej lus hais txog cov xibhwb cev Ya-hweh lus. Kuv siab ntsws puas tag, kuv tej pob txha tshee hnyo huvsi, kuv zoo yam nkaus li tus qaug cawv, zoo yam nkaus li tus qaug cawv txiv hmab tsis meej pem, vim yog (יחוח)Yahweh thiab tej lus dawb huv uas nws hais. 10 Cov uas ua nkauj ua nraug muaj puv nkaus hauv lub tebchaws.

Vim tej lus uas (יחוח)Yahweh foom tsis zoo lub tebchaws thiaj quaj ntsuag, thiab tej tshav zaub hauv tebchaws moj sab qhua kuj qhuav tag. Lawv ua tej uas phem kawg li, thiab lawv siv lawv lub hwjchim ua tsis ncaj. 11 Txawm yog cov xibhwb cev kuv lus thiab cov pov thawj los kuj tsis hwm kuv, txawm yog hauv kuv lub tuam tsev los kuv kuj pom lawv ua phem. (יחוח)Yahweh hais li no ntag. 12 Vim li ntawd mas lawv txojkev yuav zoo yam li txojkev nplua rau thaum tsaus ntuj, lawv yuav raug muab raws rau hauv txojkev ntawd thiab ntog tag qhov ntawd. Kuv yuav coj xwm txheej phem los raug lawv rau xyoo uas rau txim rau lawv. (יחוח)Yahweh hais li no ntag. 13 Cov xibhwb cev kuv lus hauv Xamalis mas kuv pom muaj kev phem kev qias. Lawv tuav dab Npa‑as lub npe cev lus thiab ua rau kuv cov tibneeg Ixayees yuam kev. 14 Tiamsis cov xibhwb cev kuv lus hauv Yeluxalees mas kuv pom muaj tej uas ntxim ntxub kawg li. Lawv ua nkauj ua nraug, thiab pheej dag, lawv tseem txhawb cov tibneeg ua phem lub zog, thiaj tsis muaj ib tug tig kiag ntawm nws txojkev limhiam rov los.

Kuv pom lawv sawvdaws zoo yam li lub moos Xaudoos thiab cov tibneeg hauv Yeluxalees zoo yam nkaus li lub moos Kaumaulas. 15 Vim li no (יחוח)Yahweh uas muaj hwjchim loj kawg nkaus hais li no txog cov xibhwb cev (יחוח)Yahweh lus tias, saib maj, kuv yuav muab zaub iab zaub daw rau lawv noj thiab muab dej muaj taug rau lawv haus, vim qhov uas tsis hwm kuv twb tawm ntawm cov xibhwb cev (יחוח)Yahweh lus hauv Yeluxalees nthuav mus thoob tebchaws lawm. 16 (יחוח)Yahweh uas muaj hwjchim loj kawg nkaus hais li no tias, nej tsis txhob mloog tej lus uas cov xibhwb cev (יחוח)Yahweh lus hais rau nej, ua rau nej muaj siab vam qhuav qhuav xwb. Lawv hais tej zaj yog toog uas lawv xav hauv lawv lub siab xwb tsis yog tawm hauv (יחוח)Yahweh lub qhov ncauj los.

17 Lawv hais tsis tu rau cov uas saib tsis taus (יחוח)Yahweh tej lus tias, nej yuav noj qab nyob zoo, thiab hais rau txhua tus uas tawv ncauj ua raws li lawv lub siab xwb hais tias, yuav tsis muaj xwm txheej phem los raug nej li.

18 Cov xibhwb ntawd muaj tus twg tau sawv hauv cov tibneeg uas nrog (יחוח)Yahweh sab-laj es pom thiab hnov (יחוח)Yahweh tej lus, thiab leejtwg tau mloog nws tej lus thiab tig ntsej ncuv tos mloog?

19 Saib maj, (יחוח)Yahweh tej cua daj cua dub uas yog nws txojkev npau taws tawm mus lawm, yog lub khaub zeeg cua uas ntswj pes lees yuav tawg saum cov tibneeg limhiam taubhau.

20 (יחוח)Yahweh txojkev chim yuav tsis thim rov qab mus txog thaum nws ua kom tiav raws li nws lub siab xav tseg lawm. Yav tom hauv ntej nej yuav nkag siab zaj no meej. 21 Kuv twb tsis txib cov xibhwb cev lus ntawd mus, los lawv khiav lawv mus xwb. Kuv twb tsis tau hais rau lawv los lawv cev lawv li lus xwb. 22 Yog lawv tau sawv hauv cov tibneeg uas nrog kuv sablaj mas lawv twb cev kuv tej lus rau kuv cov tibneeg, thiab ua rau lawv tig ntawm lawv tej kev phem thiab tso tej uas lawv ua phem tseg lawm. 23 (יחוח)Yahweh hais tias, kuv yog Tus Tswv uas nyob ze nej, tsis yog Tus Tswv uas nyob deb nej los tsis yog? 24 (יחוח)Yahweh hais tias, leejtwg yuav mus tsiv nraim kuv ua rau kuv tsis pom nws tau lov? (יחוח)Yahweh hais tias, kuv tsis nyob thoob plaws saum lub ntuj thiab hauv lub ntiajteb lov? 25 Kuv twb hnov cov xibhwb uas tuav kuv lub npe cev lus dag, hais tias, kuv ua npau suav, kuv ua npau suav pom.

26 Tej lus dag yuav nyob hauv cov xibhwb cev (יחוח)Yahweh lus lub siab mus ntev li cas? Lawv pheej cev lus dag raws li lawv lub siab dag ntxias. 27 Lawv pheej xav hais tias muab tej uas lawv ua npau suav pom piav ib leeg dhau ib leeg es yuav ua rau kuv cov tibneeg tsis nco qab kuv lub npe, ib yam li lawv tej poj koob yawm txwv tsis nco qab kuv lub npe mus teev dab Npa‑as lawm. 28 Cia cov xibhwb uas ua npau suav piav lawv tej npau suav, hos cia cov uas muaj kuv tej lus piav kuv tej lus ncaj ncaj. Tej quav nyab puas thooj li tej txhuv mos? (יחוח)Yahweh hais li no ntag.

29 (יחוח)Yahweh hais tias, kuv tej lus zoo li hluavtaws thiab zoo li rab rauj uas tsoo pob zeb tawg ua tej dwb daim. 30 (יחוח)Yahweh hais tias, vim li no, saib maj, kuv tawm tsam cov xibhwb cev lus uas nyiag kuv tej lus ib tug dhau ib tug.

31 (יחוח)Yahweh hais tias, saib maj, kuv tawm tsam cov xibhwb cev lus uas siv lawv tus nplaig los tseem hais tias, (יחוח)Yahweh hais li no. 32 (יחוח)Yahweh hais tias, saib maj, kuv tawm tsam cov uas cev tej lus npau suav dag. Lawv qhia tej npau suav ntawd thiab coj kuv haiv neeg yuam kev vim yog tim lawv tej lus dag thiab tej lus uas lawv hais ua dog ua dig. Kuv twb tsis tau txib lawv thiab kom lawv ua. Vim li no lawv tsis muaj qabhau abtsi rau haiv neeg no li. (יחוח)Yahweh hais li no ntag. 33 Thaum muaj tus pejxeem twg lossis xibhwb cev (יחוח)Yahweh lus twg lossis tus pov thawj twg nug koj hais tias, (יחוח)Yahweh lub nra yog abtsi? Koj cia li teb nws tias, (יחוח)Yahweh hais tias, nej yog (יחוח)Yahweh lub nra hnyav ntag, mas kuv yuav muab nej laim pov tseg. 34 Yog cov xibhwb cev (יחוח)Yahweh lus thiab cov pov thawj thiab cov pejxeem tus twg lam hais tias, (יחוח)Yahweh lub nra, mas kuv yuav rau txim rau tus ntawd thiab nws tsev neeg. 35 Nej yuav tsum hais li no txhua tus nyias hais rau nyias tej phoojywg thiab nyias hais rau nyias tej kwvtij tias, (יחוח)Yahweh teb li cas maj? lossis (יחוח)Yahweh hais li cas lawm maj? 36 Nej tsis txhob lam mus hais txog (יחוח)Yahweh lub nra, dua li lawm, rau qhov lub nra ntawd yog tej lus uas txhua tus nyias hais nyias xwb, thiab nej muab (יחוח)Yahweh uas muaj txojsia nyob, yog Tus Tswv uas muaj hwjchim loj kawg nkaus uas yog peb Tus Tswv tej lus ntxeev dua rau ib qho lawm.

37 Nej yuav tsum hais li no rau cov xibhwb cev (יחוח)Yahweh lus tias, (יחוח)Yahweh teb nej li cas maj? lossis (יחוח)Yahweh hais li cas maj?

38 Tiamsis yog nej cov xibhwb lam hais tias, (יחוח)Yahweh lub nra yog li no,mas (יחוח)Yahweh hais tias, nej hais tej lus no hais tias, (יחוח)Yahweh lub nra, rau thaum kuv xa xov rau nej hais tias, nej tsis txhob hais tias (יחוח)Yahweh lub nra. 39 Vim li no, saib maj, kuv yuav muab nej nqa laim pov tseg tawm ntawm kuv lub xubntiag tiag tiag li, muab kiag nej thiab lub nroog uas kuv pub rau nej thiab nej tej poj koob yawm txwv lawm huvsi. 40 Thiab kuv yuav cia nej raug txaj muag ib txhis thiab raug thuam mus ib txhis li, yuav tsis tsis nco qab li.