Ob Lub Tawb Txiv Ccev

1 Thaum vajntxwv Nenpukhanexas hauv Npanpiloos twb ntes Yehauyakhi‎s tus tub Yekhauniyas uas ua Yahdah tus vajntxwv coj tawm hauv Yeluxalees ua ke nrog Yahdah cov thawj thiab tej Kws txawj txhua yam thiab tej Kws tooj Kws hlau, coj mus rau Npanpiloos lawm, (יחוח)Yahweh rov qhia ib zaj yog toog rau kuv pom li no, pom muaj ob lub tawb txiv cev txawb rau ntawm hauv ntej (יחוח)Yahweh lub tuam tsev.

2 Ib lub tawb muaj cov txiv cev uas zoo heev ib yam li cov txiv cev uas siav thawj phaum, tiamsis ib lub tawb muaj cov txiv cev uas tsis zoo kiag li, tsis zoo noj li.

3 Mas (יחוח)Yahweh hais rau kuv tias, Yeremyah‎, koj pom abtsi? Kuv teb tias, kuv pom cov txiv cev, pom cov uas zoo kuj zoo kawg li, cov uas phem kuj phem kawg li, tsis zoo noj li.

4 Mas (יחוח)Yahweh hais tuaj rau kuv tias, 5(יחוח)Yahweh uas yog Ixayees Tus Tswv hais li no tias, kuj ib yam li cov txiv cev uas zoo no ntag, kuv yuav suav cov uas raug muab ntes coj tawm hauv Yahdah lawm yog cov zoo, yog cov uas kuv xa tawm ntawm qhov chaw no mus rau cov Kheedias lub tebchaws.

6 Kuv yuav saib xyuas lawv kom lawv tau zoo, thiab kuv yuav coj lawv rov qab los rau lub tebchaws no. Kuv yuav tsa lawv lub neej kom sawv, thiab kuv yuav tsis muab rhuav lawm. Kuv yuav muab lawv cog, yuav tsis muab lawv dob lawm.

7 Kuv yuav pub lawv muaj lub siab uas xav paub tias kuv yog (יחוח)Yahweh. Lawv yuav ua kuv haiv neeg, thiab kuv yuav ua lawv Tus Tswv, vim lawv yuav rov los cuag kuv kawg siab kawg ntsws.

8 Thiab (יחוח)Yahweh hais li no tias, zoo yam li ua rau cov txiv cev tsis zoo uas noj tsis tau ntawd, kuv yuav ua rau Yahdah tus vajntxwv Xedekhiya‎s thiab nws cov tub teg tub taws thiab cov tibneeg Yeluxalees uas tseem tshuav nyob hauv lub tebchaws no thiab cov uas nyob hauv Iziv tebchaws ib yam li ntawd.

9 Kuv yuav ua rau lawv ua lub chaw uas ib tsoom tebchaws hauv ntiajteb sawvdaws ceeb thiab ntshai, lawv yuav raug luag thuam, tiag luag ncauj luag lo, raug luag luag thiab ua lo lus tsawm foom rau hauv txhua qhov chaw uas kuv ntiab lawv mus nyob.

10 Kuv yuav tso hniav ntaj hniav riam thiab kev tshaib nqhis thiab mob kis los raug lawv mus txog thaum lawv puam tsuaj tag huvsi hauv lub tebchaws uas kuv muab pub rau lawv thiab lawv tej poj koob yawm txwv.