Yeremyah‎ Tus Quab

1 Thaum Xedekhiya‎s uas yog Yauxi-yas tus tub pib ua vajntxwv kav Yahdah, (יחוח)Yahweh hais tej lus no tuaj rau Yeremyah‎. 2 (יחוח)Yahweh hais li no rau kuv tias, koj cia li ua tus quab thiab txoj hlua muab nruab rau ntawm koj caj qwb. 3 Thiab xa xov rau Edoos tus vajntxwv, Mau‑as tus vajntxwv, cov Asmoo‎s tus vajntxwv, Thailab tus vajntxwv thiab Xaidoos tus vajntxwv, yog muab rau lawv cov tub tes taw uas tuaj cuag Yahdah tus vajntxwv Xedekhiya‎s hauv Yeluxalees.

4 Muab tej lus no rau cov tub teg tub taws ntawd coj mus rau lawv cov vajntxwv hais tias, (יחוח)Yahweh tus muaj hwjchim loj kawg nkaus uas yog Ixayees Tus Tswv hais li no tias, nej yuav tsum hais li no rau nej cov vajntxwv tias,

5 yeej yog kuv ntag uas siv kuv lub hwjchim loj kawg thiab kuv txhais npab uas muaj zog tsim lub ntiajteb thiab tibneeg thiab tej tsiaj txhu uas nyob hauv ntiajteb, mas kuv pub rau leejtwg kuj nyob ntawm kuv pom zoo. 6 Nimno kuv pub tej tebchaws no huvsi rau hauv kuv tus tub qhe Nenpukhanexas txhais tes uas ua vajntxwv hauv Npanpiloos, thiab kuv pub tej tsiaj qus rau nws tu nws.

7 Ib tsoom tebchaws sawvdaws yuav ua num rau nws thiab nws tus tub thiab nws tus xeeb ntxwv, mus txog lub sijhawm uas nws lub tebchaws poob, mas ntau lub tebchaws thiab tej vajntxwv loj yuav muab nws ua lawv qhev. 8 Tiamsis yog haiv neeg twg lub tebchaws twg tsis ua num rau tus Nenpukhanexas no uas ua vajntxwv hauv Npanpiloos thiab tsis cug caj qwb kwv vajntxwv Npanpiloos tus quab, kuv yuav muab hniav ntaj thiab kev tshaib nqhis thiab mob kis rau txim rau haiv neeg ntawd mus txog thaum kuv siv Nenpukhanexas txhais tes muab lawv rhuav tag. 9 Vim li no tsis txhob mloog nej cov xibhwb cev (יחוח)Yahweh lus thiab nej cov uas hais pom tom hauv ntej thiab nej cov uas ua npau suav thiab nej cov saib sij saib yaig uas hais rau nej tias, nej yuav tsis mus ua num rau Npanpiloos tus vajntxwv.

10 Tej uas lawv cev (יחוח)Yahweh lus rau nej ntawd yog lus cuav xwb, tseem ua rau nej raug coj khiav tawm hauv nej lub tebchaws mus deb deb, mas kuv yuav muab nej ntiab tawm mus thiab nej yuav puam tsuaj.

11 Tiamsis yog haiv neeg twg cug caj qwb kwv vajntxwv Npanpiloos tus quab thiab ua num rau nws, mas kuv yuav tseg lawv nyob hauv lawv lub tebchaws cia ua liaj ua teb thiab nyob rau hauv. (יחוח)Yahweh hais li no ntag. 12 Kuv hais rau Yahdah tus vajntxwv Xedekh-iya‎s ib yam nkaus tias, cia li cug nej caj qwb kwv vajntxwv Npanpiloos tus quab thiab ua num rau nws thiab nws cov tibneeg, thiaj ciaj sia nyob. 13 Ua cas koj thiab koj cov tibneeg yuav tuag hniav ntaj tuag tshaib thiab tuag mob kis raws li (יחוח)Yahweh tau hais txog tej tebchaws uas tsis ua num rau vajntxwv Npanpiloos?

14 Koj tsis txhob mloog cov xibhwb cev (יחוח)Yahweh lus uas hais rau koj tias, koj yuav tsis ua num rau vajntxwv Npanpiloos li, vim qhov uas lawv cev (יחוח)Yahweh lus rau koj li no yog ua cuav xwb. 15 (יחוח)Yahweh hais tias, kuv twb tsis tau txib lawv los lawv lam tuav kuv lub npe cev lus cuav, thiaj ua rau kuv muab koj ntiab tawm, mas koj thiab cov xibhwb cev (יחוח)Yahweh lus rau koj yuav puam tsuaj tag. 16 Thiab kuv kuj hais rau cov pov thawj thiab cov pejxeem no sawvdaws tias, (יחוח)Yahweh hais li no tias, tsis txhob mloog nej cov xibhwb cev (יחוח)Yahweh lus tej lus uas cev lus rau nej hais tias, saib maj, tsis ntev luag yuav coj tej twj siv hauv (יחוח)Yahweh lub tuam tsev uas raug coj mus rau tim Npanpi-loos lawm rov qab los. Qhov uas lawv cev (יחוח)Yahweh lus li no rau nej yog lus cuav xwb. 17 Tsis txhob mloog lawv li. Cia li ua num rau vajntxwv Npanpiloos thiaj ciaj sia nyob. Ua cas yuav cia lub nroog no pob tag nyob do cuas cia? 18 Yog lawv cov ntawd yog tseem xibhwb cev (יחוח)Yahweh lus thiab yog (יחוח)Yahweh tej lus nyob hauv lawv tiag kuj kom lawv taij thov (יחוח)Yahweh uas muaj hwjchim loj kawg nkaus hais tias tsis txhob kheev tej twj siv uas tseem tshuav nyob hauv (יחוח)Yahweh lub tuam tsev thiab hauv vajntxwv Yahdah lub tsev thiab hauv lub nroog Yeluxalees tawm mus rau Npanpiloos.

19 (יחוח)Yahweh uas muaj hwjchim loj kawg nkaus hais li no txog tej ncej thiab lub rhawv dej thiab tej ceg txawb thiab lwm yam twj siv uas tshuav nyob hauv lub nroog no, 20 uas vajntxwv Nenpukhanexa‎s hauv Npanpiloos tsis tau coj mus rau thaum nws ntes Yehau-yakhi‎s tus tub Yekhauniyas uas yog Yahdah tus vajntxwv thiab cov thawj hauv Yahdah thiab cov hauv Yeluxalees coj tawm hauv Yeluxalees mus rau Npanpiloos.

21 (יחוח)Yahweh tus muaj hwjchim loj kawg nkaus, uas yog Ixayees Tus Tswv, hais txog tej twj siv uas tseem tshuav nyob hauv (יחוח)Yahweh lub tuam tsev thiab hauv vajntxwv Yahdah lub tsev thiab hauv lub nroog Yeluxalees li no hais tias, 22 Tej twj siv no yuav raug muab thauj mus rau Npanpiloos mas yuav nyob qhov ntawd txog hnub uas kuv xav txog dua ces kuv li coj rov qab los thiab muab cia rau hauv lub qub chaw no. (יחוח)Yahweh hais li no ntag.