Hananiyas Cev Tej Lus Cuav

1 Tib xyoo ntawd, thaum Xedekhiya‎s pib ua vajntxwv, yog xyoo plaub uas nws kav Yahdah, mas lub tsib hlis Axu‎s tus tub Hananiyas uas ua xibhwb cev (יחוח)Yahweh lus hauv lub moos Kipe‑oos tau hais rau kuv hauv (יחוח)Yahweh lub tuam tsev tab meeg cov pov thawj thiab cov pejxeem sawvdaws tias,

2 (יחוח)Yahweh tus muaj hwjchim loj kawg nkaus uas yog Ixayees Tus Tswv hais li no tias, kuv twb muab vajntxwv Npanpiloos tus quab lov lawm.

3 Tshuav ob xyoos kuv yuav coj tej twj siv hauv (יחוח)Yahweh lub tuam tsev huvsi rov qab los rau lub chaw no, yog tej uas vajntxwv Nenpukhanexas hauv Npanpiloos txeeb hauv lub chaw no coj mus rau Npanpiloos lawm.

4 Kuv kuj yuav coj Yehauyakhi‎s tus tub Yekhauniyas uas ua vajntxwv kav Yahdah thiab cov uas raug ntes coj tawm hauv Yahdah mus rau Npanpiloos lawm rov qab los huvsi, vim kuv yuav muab vajntxwv Npanpiloos tus quab lov. (יחוח)Yahweh hais li no ntag. 5 Ces Yeremyah‎ uas ua xibhwb cev (יחוח)Yahweh lus txawm hais rau Hananiyas tab meeg cov pov thawj thiab cov pejxeem sawvdaws uas nyob hauv (יחוח)Yahweh lub tuam tsev hnov.

6 Yeremyah‎ uas cev (יחוח)Yahweh lus hais tias, Haleluyah! Amen, thov (יחוח)Yahweh ua raws li ntawd tiag. Thov (יחוח)Yahweh ua kom tej lus uas koj cev ntawd muaj tseeb, thiab coj tej twj siv hauv (יחוח)Yahweh lub tuam tsev thiab cov tibneeg uas raug ntes coj mus tim Npanpiloos lawd sawvdaws rov qab los rau lub chaw no. 7 Tiamsis koj cia li mloog tej lus uas kuv yuav hais rau koj thiab rau cov tibneeg sawvdaws tau hnov. 8 Cov xibhwb cev (יחוח)Yahweh lus uas nyob ua kuv thiab koj ntej thaum ub los lawm, twb cev (יחוח)Yahweh lus txog kev ua rog thiab kev tshaib nqhis thiab mob kis uas muaj rau ntau lub tebchaws thiab tej tebchaws loj. 9 Tiamsis tus xibhwb cev (יחוח)Yahweh lus uas cev hais tias yuav muaj kev thaj yeeb, yog thaum muaj tseeb raws li tej lus uas tus cev (יחוח)Yahweh lus hais ntawd tiag, thiaj paub tias (יחוח)Yahweh txib tug xibhwb cev (יחוח)Yahweh lus ntawd tiag. 10 Mas Hananiyas uas cev (יחוח)Yahweh lus muab tus quab ntawm Yeremyah‎ uas cev (יחוח)Yahweh lus caj qwb daws thiab muab lov pov tseg. 11 Hananiyas hais tab meeg cov pejxeem sawvdaws tias, (יחוח)Yahweh hais li no tias, zoo ib yam li no ntag ob xyoos saum no kuv yuav muab vajntxwv Nenpukhanexas hauv Npanpiloos tus quab lov ntawm ib tsoom tebchaws sawvdaws caj qwb. Ces xibhwb Yeremyah‎ uas cev (יחוח)Yahweh lus txawm tawm mus. 12 Tsis ntev tom qab uas xibhwb Hananiyas uas cev (יחוח)Yahweh lus muab tus quab ntawm xibhwb Yeremyah‎ uas cev (יחוח)Yahweh lus caj qwb lov lawm, (יחוח)Yahweh hais lus tuaj rau Yeremyah‎ tias, 13 cia li mus hais rau Hananiyas tias, (יחוח)Yahweh hais li no tias, koj muab tus quab ntoo lov lawm, tiamsis kuv yuav ua ib tug quab hlau nyob chaw. 14 Rau qhov (יחוח)Yahweh tus uas muaj hwjchim loj kawg nkaus uas yog Ixayees Tus Tswv hais li no tias, kuv muab tus quab hlau tso rau saum ib tsoom tebchaws sawvdaws no caj qwb kom lawv ua vajntxwv Nenpukhanexas hauv Npa-npiloos qhev, mas lawv yuav ua num rau nws, txawm yog tej tsiaj qus los kuv twb muab kiag rau nws lawm thiab. 15 Thiab xibhwb Yere-myah‎ uas cev (יחוח)Yahweh lus hais rau xibhwb Hananiyas uas cev (יחוח)Yahweh lus tias, Hananiyas, koj cia li mloog, (יחוח)Yahweh tsis tau txib koj, tiamsis koj tau ua rau haiv neeg no tso siab rau tej lus dag. 16 Vim li no (יחוח)Yahweh hais tias, saib maj, kuv yuav muab koj rho tawm hauv lub ntiajteb no. Mas xyoo no ntag koj yuav tuag, vim koj hais tej lus uas fav xeeb rau (יחוח)Yahweh. 17 Tib xyoo ntawd lub xya hli xibhwb Hananiyas kuj tuag lawm.