Cov Uas Poob Tebchaws Yuav Rov Los

1 (יחוח)Yahweh hais lus tuaj rau Yeremyah‎ tias, 2 (יחוח)Yahweh uas yog cov Ixayees Tus Tswv hais li no tias, cia li sau tej lus uas kuv tau hais rau koj lawd huvsi rau hauv ib phau ntawv. 3 (יחוח)Yahweh hais tias, saib nawj, lub caij lub nyoog tabtom los yuav txog mas kuv yuav pub kuv haiv neeg Yahdah thiab Ixayees rov vam meej li qub, thiab kuv yuav coj lawv rov los rau lub tebchaws uas kuv muab rau lawv tej poj koob yawm txwv, mas lawv yuav tau lub tebchaws ntawd ua lawv teej lawv tug. (יחוח)Yahweh hais li no ntag. 4 Ntawm no mus yog tej lus uas (יחוח)Yahweh hais txog cov Ixayees thiab cov Yahdah. 5 (יחוח)Yahweh hais li no tias, peb tau hnov lub suab quaj ras zom zaws yog lub suab ntshai kawg, tsis tau nyob tiaj tus. 6 Cia li nug thiab tshuaj saib, tus txivneej yuav yug tau menyuam lov? Ua cas kuv pom txhua tus txivneej muab tes npuab ntawm duav yam li cov pojniam uas mob plab yuav yug menyuam? Ua cas txhua tus lub ntsej muag thim xem tag? 7 Hnub ntawd yuav txaus ntshai kawg li lauj! Tsis muaj ib hnub twg yuav thooj li hnub ntawd, yog hnub uas Yakhauj txom nyem lwj siab kawg, tiamsis nws yuav dim tau hnub ntawd. 8 (יחוח)Yahweh uas muaj hwjchim loj kawg nkaus hais tias, txog hnub ntawd kuv yuav lov tus quab ntawm lawv caj qwb, thiab kuv yuav muab tej saw hlau uas khi lawv tu pov tseg, thiab lwm haiv neeg yuav tsis muab lawv ua qhev dua li lawm. 9 Mas lawv yuav ua koom tu (יחוח)Yahweh uas yog lawv Tus Tswv thiab tu lawv tus vajntxwv, tus uas kuv yuav tsa sawv los ua vajntxwv kav lawv.

10 (יחוח)Yahweh hais tias, kuv tus qhev Yakhauj es, tsis txhob ntshai, Ixayees es, tsis txhob poob siab, rau qhov kuv yuav cawm nej dim deb deb li los, thiab cawm nej tej tub ki hauv lub tebchaws uas lawv raug ntes coj mus nyob. Yakhauj yuav rov los thiab nyob siab tus yees noj qab nyob zoo, thiab yuav tsis muaj leejtwg ua rau nws ntshai.

11 (יחוח)Yahweh hais tias, kuv nrog nraim koj thiab yuav cawm koj dim. Kuv yuav ua rau txhua lub tebchaws uas kuv ntiab nej ri sua mus nyob ntawd puam tsuaj tag nrho huvsi, tiamsis kuv yuav tsis ua rau koj puam tsuaj tag. Kuv yuav nplawm koj npaum li uas tsim nyog xwb, thiab kuv yuav tsis tso qhov uas rau txim rau koj tseg. 12 (יחוח)Yahweh hais li no tias, Qhov uas koj mob kho tsis tau li, koj lub kiav txhab sab sab li. 13 Tsis muaj leejtwg yuav pab hais koj tshaj plaub, tsis muaj tshuaj kho koj lub kiav txhab, tsis muaj ncauj kev kho tau koj zoo li. 14 Cov uas koj nyiam sawv-daws tsis nco qab koj lawm, lawv tsis mob siab koj kiag li. Kuv tau nplawm koj ib yam li yeeb ncuab nplawm, thiab rau txim rau koj ib yam li tibneeg limhiam ntais ntuj rau, rau qhov koj ua txhaum ntau kawg, koj muaj txim loj. 15 Ua cas koj yuav quaj qhov uas mob? Qhov uas koj mob kho tsis tau li. Vim koj ua txhaum ntau kawg thiab koj muaj txim loj, kuv thiaj ua tej no rau koj. 16 Vim li no txhua tus uas noj koj nws yuav raug luag noj, txhua tus uas ua tshawj chim rau koj yuav raug muab ntes coj mus. Cov uas lws koj lawv yuav raug luag lws, thiab txhua tus uas quab yuam koj yuav raug luag quab yuam. 17 Kuv yuav kho kom koj cev nqaij rov zoo li qub thiab kuv yuav kho koj tej qhov txhab kom zoo, vim lawv hu koj tias yog tus uas tsis muaj tswv, yog Xi‑oo uas tsis muaj leejtwg mob siab. (יחוח)Yahweh hais li no ntag.

18 (יחוח)Yahweh hais li no tias, kuv yuav pub Yakhauj tej tsev ntaub rov vam meej li qub, thiab khuvleej nws tej chaw nyob. Lub nroog yuav raug muab tsim dua tshiab rau saum nws lub roob, thiab vajntxwv lub tsev yuav nyob lub qub chaw. 19 Yuav muaj suab hu nkauj ua tsaug thiab suab xyiv fab tawm qhov chaw ntawd tuaj. Kuv yuav ua rau lawv huaj vam coob tuaj, lawv yuav tsis tsawg. Kuv yuav ua kom lawv muaj koob meej, lawv yuav tsis raug luag saib tsis taus.

20 Lawv tej tub ki yuav zoo ib yam li thaum ub, thiab lawv haiv neeg yuav raug muab tsa nyob ruaj rau ntawm kuv xubntiag. Kuv yuav rau txim rau txhua tus uas quab yuam lawv. 21 Lawv tus thawj yeej yuav yog ib tug hauv lawv cov tibneeg, tus uas kav lawv yuav tawm hauv lawv nruab nrab los ntag. Kuv yuav coj tus ntawd txav los ze thiab nws yuav tuaj cuag kuv. Leejtwg yuav muaj cuabkav tuaj cuag kuv? (יחוח)Yahweh hais li no. 22 Nej yuav ua kuv haiv neeg, thiab kuv yuav ua nej Tus Tswv.

23 Cia li saib (יחוח)Yahweh tej cua daj cua dub. Txojkev npau taws tawm mus lawm, yog cua daj cua dub ntsawj hlob kawg, yuav tshwm plaws ntsawj raug cov tibneeg limhiam lub taubhau. 24 (יחוח)Yahweh txojkev chim heev yuav tsis thim rov qab mus txog thaum nws ua tej uas nws xav hauv lub siab tiav. Nej yuav nkag siab tej no rau yav tom hauv ntej.