1 (יחוח)Yahweh hais tias, lub sijhawm ntawd kuv yuav ua txhua xeem Ixayees Tus Tswv, thiab lawv yuav ua kuv haiv neeg. 2 (יחוח)Yahweh hais li no tias, cov tibneeg uas dim hniav ntaj tau txais txojkev hlub hauv tebchaws moj sab qhua. Thaum cov Ixayees nrhiav chaw so, 3 (יחוח)Yahweh los tshwm rau lawv pom deb deb. Kuv hlub nej hauv txojkev hlub uas muaj mus ib txhis, vim li no kuv hlub nej ruaj khov mus li. 4 Ixayees uas yog tus nkauj dawb huv es, kuv yuav muab koj tsim dua, koj yuav raug muab tsim dua tshiab. Koj yuav coj nruas npuaj ua zam dua thiab tawm mus seev cev nrog cov uas ua lomzem ua ke. 5 Koj yuav rov cog vaj txiv hmab rau saum Xamalis tej roob, cov uas cog kuj yuav cog thiab tau tej txiv ntawd noj. 6 Tseem yuav muaj ib hnub uas tus faj xwm yuav qw pem toj siab Efa‑is tebchaws tias, cia li sawv tsees, cia peb mus rau hauv Xi‑oo lauj, mus cuag (יחוח)Yahweh uas yog peb Tus Tswv. 7 (יחוח)Yahweh hais li no tias, cia li hu nkauj zoo siab xyiv fab vim yog Yakhauj, thiab tsa suab qw vim yog ib tsoom tebchaws tus thawj. Cia li qhuas tshaj tawm hais tias,

(יחוח)Yahweh cawm nws haiv neeg dim, yog cov Ixayees uas tseem tshuav nyob. 8 Saib maj, kuv yuav coj lawv tawm tebchaws sab ped los, thiab qaws lawv hauv qhov uas deb kawg hauv qab ntuj. Muaj cov tibneeg dig muag ceg tawv, thiab cov pojniam uas suab menyuam thiab cov uas mob plab nrog lawv los ua ke, lawv yuav los ua ib pab coob coob rau ntawm no. 9 Lawv yuav quaj laws los, thiab kuv yuav nplij lawv lub siab coj lawv rov los, kuv yuav coj lawv taug hav dej, yog txojkev tiaj uas lawv yuav tsis dawm, vim kuv ua Ixayees txiv thiab Efa‑is yog kuv tus tub hlob. 10 Ib tsoom tebchaws es, cia li mloog (יחוח)Yahweh tej lus, thiab tshaj tawm rau hauv tej tebchaws ntawm ntug hiavtxwv uas deb deb hais tias, tus uas ntiab cov Ixayees khiav ri sua yuav qaws lawv rov los, thiab yuav tsom kwm lawv yam li tus yug yaj tsom kwm nws pab yaj. 11 Rau qhov (יחוח)Yahweh twb txhiv Yakhauj cia lawm, thiab tso nws dim hauv tus uas muaj zog dua nws txhais tes.

12 Lawv yuav los qw zoo siab rau saum lub roob Xi‑oo, thiab lawv yuav zoo siab xyiv fab vim (יחוח)Yahweh tej hmoov zoo, yog tej qoob loo, tej cawv txiv hmab, tej roj, thiab tej yaj tej tshis tej nyuj cov menyuam. Lawv lub neej yuav zoo li lub vaj uas muaj dej ywg, lawv yuav tsis tsaug leeg dua li lawm. 13 Cov ntxhais hluas yuav zoo siab thiab yuav seev cev, cov tub hluas thiab cov laus yuav xyiv fab. Kuv yuav muab lawv txojkev quaj ntsuag ntxeev ua kev xyiv fab, kuv yuav nplij lawv thiab muab txojkev zoo siab hloov txojkev nyuaj siab chaw. 14 Kuv yuav muab tej qoob loo ntau nplua mias yug cov pov thawj tsau npo, kuv haiv neeg yuav txaus siab rau kuv tej qhov txhia chaw zoo. (יחוח)Yahweh hais li no ntag. 15 (יחוח)Yahweh hais li no tias, tau hnov suab nrov hauv Lamas, yog suab quaj ntsuag suab quaj lwj siab. Lachees quaj nws tej menyuam, nws tsis yuav tej lus nplij siab rau qhov nws tej menyuam tsis nyob lawm.

16 (יחוח)Yahweh hais li no tias, cia li tswj lub suab quaj tseg los maj, thiab tauv lub kua muag ntawm koj qhov muag, rau qhov koj tes haujlwm yuav tau nqe zog, thiab lawv yuav rov hauv yeeb ncuab lub tebchaws los.           

(יחוח)Yahweh hais li no ntag. 17 Koj lub neej tom hauv ntej tseem muaj vam, thiab koj tej menyuam yuav rov los rau hauv lawv lub tebchaws. (יחוח)Yahweh hais li no ntag.

18 Kuv tau hnov Efa‑is quaj hais tias, koj nplawm qhuab qhia kuv thiab kuv raug nplawm yam li tus menyuam nyuj uas tsis tau seej. Thov koj coj kuv rov qab mas kuv yuav tig rov los cuag koj, rau qhov koj yog kuv Tus Tswv (יחוח)Yahweh.

19 Thaum kuv tig xub-ntiag mus lawd, kuv ntxeev dua siab. Thaum kuv raug qhuab qhia lawd, kuv ntaus kuv hauv siab. Kuv raug txaj muag thiab poob ntsej muag, rau qhov kuv ris txojkev txaj muag uas kuv ua thaum kuv tseem hluas.

20 Efa‑is tsis yog tus tub uas kuv hlub lov? Nws tsis yog tus menyuam uas kuv nyiam lov? Kuv yws nws thaum twg, kuv kuj nco txog nws thaum ntawd. Vim li no kuv lub siab tseem nco txog nws, kuv yeej yuav khuvleej nws. (יחוח)Yahweh hais li no ntag. 21 Koj cia li rhais phua qhia kev rau koj, cia li ua daim phiaj qhia kev rau koj, cia li ua tib zoo saib txoj niag kev yog txoj kev uas nej tawm mus ntawd. Ixayees uas yog tus nkauj dawb huv es, cia li rov qab los, cia li rov qab los rau hauv koj tej moos no.

22 Tus ntxhais uas tso kuv tseg es, koj yuav ywj fab ywj fwj ntev li cas? (יחוח)Yahweh tsim ib yam tshiab rau hauv lub ntiajteb, yog ib tug pojniam yuav tsom kwm tus txiv. 23 Cov Ixayees Tus Tswv (יחוח)Yahweh uas muaj hwjchim loj kawg nkaus hais li no tias, thaum kuv pub lawv rov vam meej li qub, lawv yuav siv tej lus no hauv Yahdah tebchaws thiab hauv lawv tej moos dua ib zaug, yog hais tias, lub chaw uas txojkev ncaj ncees nyob es, lub roob dawb huv es, thov (יחוח)Yahweh foom koob hmoov rau koj. 24 Yahdah thiab Yahdah tej moos huvsi thiab cov uas ua liaj ua teb thiab cov uas yug yaj uas mus mus los los yuav nyob ua ke qhov ntawd.

25 Kuv yuav ua kom lub siab uas qaug zog tsau npo, thiab txhua lub siab uas tsaug leeg kuv yuav pub kom muaj zog puv npo tuaj. 26 Tamsim ntawd kuv tsim dheev los thiab tsa muag saib, mas qhov uas kuv pw tsaug zog ntawd kuj ua rau kuv zoo siab.

Tej Lus Cog Tseg Tshiab

27 (יחוח)Yahweh hais tias, saib nawj, lub caij lub nyoog tabtom los yuav txog mas kuv yuav tseb noob tibneeg thiab noob tsiaj txhu rau hauv cov Ixayees thiab cov Yahdah. 28 Kuv saib ntsoov lawv thiab muab lawv dob thiab muab ua pob tag thiab ua kom puam tsuaj thiab coj xwm txheej phem los raug lawv li cas, kuv yuav saib ntsoov lawv thiab muab lawv tsim dua tshiab thiab muab cog dua ib yam li ntawd. (יחוח)Yahweh hais li no ntag. 29 Thaum ntawd lawv yuav tsis hais dua tias, leej txiv noj txiv hmab qaub, tus menyuam rhiab hniav. 30 Tiamsis txhua tus yuav tuag rau nws lub txim. Txhua tus uas noj txiv hmab qaub kuj yuav rhiab hniav. 31 (יחוח)Yahweh hais tias, saib nawj, lub caij lub nyoog tabtom los yuav txog mas kuv yuav cog dua lus tshiab rau cov Ixayees thiab cov Yahdah,

32 tsis thooj li uas kuv cog rau lawv tej poj koob yawm txwv rau thaum kuv cab lawv tes coj lawv tawm hauv Iziv tebchaws los. Kuv twb yog lawv txiv los lawv muab kuv tej lus cog tseg rhuav lawm. (יחוח)Yahweh hais li no ntag. 33 No yog tej lus cog tseg uas kuv yuav cog rau cov Ixayees ua qab ncua sijhawm ntawd.

(יחוח)Yahweh hais li no ntag. Kuv yuav muab kuv txoj kevcai tso rau hauv lawv, thiab sau cia rau hauv lawv lub siab. Kuv yuav ua lawv Tus Tswv thiab lawv yuav ua kuv haiv neeg. 34 Txhua tus yuav tsis qhia nws kwvtij zej zog thiab nws tej kwvtij txheeb kom paub

(יחוח)Yahweh dua li lawm, rau qhov lawv txhua tus yeej yuav paub kuv txij tus yau kawg mus txog tus loj kawg. Kuv yuav zam lawv tej kev txhaum thiab tsis cim ntsoov lawv lub txim dua li lawm. (יחוח)Yahweh hais li no ntag. 

35 (יחוח)Yahweh uas ua lub hnub ci pom kev nruab hnub, thiab teem caij nyoog rau lub hli thiab tej hnub qub ci rau hmo ntuj, thiab yog tus uas do hiavtxwv ntas tej niag nthwv nrov vig voog, nws lub npe yog

(יחוח)Yahweh uas muaj hwjchim loj kawg nkaus, nws hais li no tias,  36 Yog tej kevcai ruaj khov no ploj ntawm kuv xubntiag lawm, mas Ixayees caj ces yuav ploj ntais tsis ua ib haiv neeg rau ntawm kuv xubntiag mus ib txhis. (יחוח)Yahweh hais li no ntag.

37 (יחוח)Yahweh hais li no tias, yog ntsuas tau saum nruab ntug, thiab tshuaj tau tej taw uas tiag hauv lub qab ntiajteb, ces kuv li muab Ixayees caj ces laim pov tseg vim txhua yam uas lawv tau ua ntawd. (יחוח)Yahweh hais li no ntag. 38(יחוח)Yahweh hais tias, lub caij lub nyoog tabtom los yuav txog mas yuav muab lub nroog no tsim dua tshiab rau (יחוח)Yahweh, txij ntua ntawm lub chaw tsom faj Hananees mus txog lub rooj loog ntawm lub kaum loog. 39 Thiab txoj hlua ntsuas yuav dhau plaws ncaj nraim mus txog lub pov roob Kales li tig mus txog Kau‑as. 40 Tag nrho lub hav uas pov tibneeg tuag thiab tej tshauv, thiab tej teb tag nrho mus txog ntua lub hav Khiloos, mus txog lub Rooj Loog Nees ntawm kaum loog mus rau sab hnub tuaj, mas puavleej yog tej chaw uas dawb huv rau

(יחוח)Yahweh. Lub nroog yuav tsis raug muab dob kiag cag lossis muab laim pov tseg dua mus ib txhis li.