Yeluxalees Poob

1 Xyoo cuaj uas Xedekhiya‎s ua vajntxwv kav Yahdah, lub kaum hli vajntxwv Nenpukhanexa‎s hauv Npanpiloos thiab nws cov tub rog sawvdaws tuaj ua rog rau lub nroog Yeluxalees thiab vij cia.

2 Xyoo kaum ib uas Xedekhiya‎s ua vajntxwv hnub xiab cuaj lub plaub hlis, luag txawm tsoo lub ntsa loog pob ib qho.

3 Thaum txeeb tau Yeluxalees lawm, Npanpiloos tus vajntxwv cov thawj sawv daws txawm txeem los zaum ntawm lub Rooj Loog Nruab Nrab, yog Nawkas Salexaws, Xakanenpaus, Xaxekhis uas yog Laxalis, thiab Nawkas Salexaws uas yog Lamab, thiab Npanpiloos tus vajntxwv cov thawj rog sawvdaws.

4 Thaum Yahdah tus vajntxwv Xedekhiya‎s thiab cov tub rog sawvdaws pom li ntawd, lawv txawm tawm hauv lub nroog khiav hmo ntuj hla vajntxwv lub vaj tawm lub rooj loog taug txojkev uas muaj ob sab ntsa loog mus. Lawv txawm khiav yuav mus rau Alanpas.

5 Tiamsis Kheedias cov tub rog raws lawv qab thiab caum cuag Xedekhiya‎s rau ntawm lub tiaj Yelikhaus. Thaum lawv ntes tau nws lawm, lawv coj nws mus cuag Npanpiloos tus vajntxwv Nenpukhanexa‎s ntawm lub moos Linplas hauv Hama tebchaws, mas vajntxwv Npanpiloos txiav txim rau nws.

6 Npanpiloos tus vajntxwv tua Xedekhiya‎s cov tub rau ntawm lub moos Linplas tab meeg nws, thiab Npanpiloos tus vajntxwv tua Yahdah cov thawj huvsi pov tseg.

7 Nws muab Xedekhiya‎s ob lub qhov muag kaus pov tseg thiab muab saw hlau khi coj nws mus rau Npanpiloos.

8 Cov Kheedias muab vajntxwv lub vaj tse thiab tej pejxeem tej vaj tse hlawv thiab tsoo tej ntsa loog Yeluxalees pob tag huvsi.

9 Nenpuxaladas uas yog tus thawj rog zov vajntxwv kuav kiag cov pejxeem uas tseem tshuav nyob hauv lub nroog thiab cov uas khiav mus zwm rau nws lawm tawm tebchaws mus rau Npanpiloos.

10 Nenpuxaladas uas yog tus thawj rog zov vajntxwv tsuas yog tseg cov tibneeg pluag uas tsis muaj abtsi li cia nyob hauv Yahdah tebchaws xwb, thiab nws muab tej vaj txiv hmab thiab tej teb rau cov tibneeg ntawd ua.

11 Npanpiloos tus vajntxwv Nenpukhanexa‎s hais txog Yeremyah‎ rau Nenpuxaladas uas yog tus thawj rog zov vajntxwv tias, 12 cia li coj Yeremyah‎ mus, saib xyuas nws tib zoo, tsis txhob ua phem rau nws, thiab tu nws raws li nws hais rau koj.

13 Nenpuxaladas uas yog tus thawj rog zov vajntxwv, thiab Nenpusanpas uas yog Laxalis, thiab Nawkas Salexaws uas yog Lamab, thiab Npanpiloos tus vajntxwv cov thawj rog sawvdaws 14 thiaj txib tibneeg mus coj Yeremyah‎ tawm hauv cov tub rog zov vajntxwv lub loog los. Lawv muab Yeremyah‎ cob rau Ahikhas tus tub Kedaliyas uas yog Safas tus xeeb ntxwv coj nws mus tsev. Yog li ntawd Yeremyah‎ thiaj tau nrog cov pejxeem nyob ua ke.

15 (יחוח)Yahweh hais lus tuaj rau Yeremyah‎ rau thaum nws tseem raug kaw hauv cov tub rog zov vajntxwv lub loog hais tias, 16 cia li mus hais rau Enpemelej uas yog tibneeg Khuj tias, (יחוח)Yahweh uas muaj hwjchim loj kawg nkaus, uas yog cov Ixayees Tus Tswv hais li no tias, saib nawj, kuv yuav ua kom kuv tej lus tiav rau lub nroog no yog ua phem tsis yog ua zoo, mas yuav ua tiav rau hnub ntawd tab meeg koj.

17 (יחוח)Yahweh hais tias, hnub ntawd kuv yuav cawm koj, thiab koj yuav tsis raug muab cob rau hauv cov tibneeg uas koj ntshai txhais tes.

18 Kuv yuav tso koj dim tiag tiag li, thiab koj yuav tsis raug hniav ntaj tua. Koj yuav tau txojsia ua nqe zog hauv tshav rog los rau qhov koj tso siab rau kuv. (יחוח)Yahweh hais li no ntag.