Khiav Mus Nyob Iziv Tebchaws​

1 Thaum Yeremyah‎ hais (יחוח)Yahweh uas yog lawv Tus Tswv tej lus txhua lo rau cov pejxeem mloog tag lawm, yog tej lus uas (יחוח)Yahweh uas yog lawv Tus Tswv txib Yeremyah‎ mus hais rau lawv, 2 mas Hausayas tus tub Axaliyas thiab Khale‑as tus tub Yauhanas thiab txhua tus txivneej uas khav theeb hais rau Yeremyah‎ tias, koj dag xwb. (יחוח)Yahweh uas yog peb Tus Tswv tsis tau txib kom koj los hais tias, tsis txhob mus nyob rau nram Iziv tebchaws.

3 Tiamsis Neliyas tus tub Npalus tshum kom koj tawm tsam peb, es yuav muab peb cob rau hauv cov Kheedias txhais tes, kom lawv thiaj tua tau peb thiab coj peb mus poob tebchaws rau hauv Npanpiloos.

4 Khale‑as tus tub Yauhanas thiab cov thawj tub rog txhua tus thiab cov pejxeem sawvdaws tsis mloog (יחוח)Yahweh tej lus uas hais kom nyob hauv Yahdah tebchaws xwb.

5 Mas Khale‑as tus tub Yauhanas thiab cov thawj tub rog txhua tus coj cov tibneeg Yahdah sawvdaws uas tseem tshuav nyob khiav mus, yog cov uas raug ntiab mus nyob hauv txhua lub tebchaws lawm es rov los nyob hauv Yahdah,

6 tsis hais txivneej, pojniam, menyuam thiab vajntxwv tej ntxhais, thiab txhua tus uas tus thawj rog Nenpuxaladas uas zov vajntxwv tau muab tseg cia rau Kedaliyas uas yog Ahikhas tus tub thiab yog Safas tus xeeb ntxwv.

Yauhanas kuj coj Yeremyah‎ uas ua xibhwb cev (יחוח)Yahweh lus thiab Neliyas tus tub Npalus mus.

7 Lawv txawm mus txog Iziv tebchaws, vim yog lawv sawvdaws tsis mloog (יחוח)Yahweh tej lus. Mas lawv thiaj mus txog ntawm lub moos Thapahes.

8 Mas (יחוח)Yahweh hais lus tuaj rau Yeremyah‎ hauv lub moos Thapahes tias,

9 cia li nqa tej pob zeb loj hauv koj txhais tes coj mus zais rau hauv tej kem zeb uas pua txojkev uas mus rau hauv Falaus lub tsev hauv lub moos Thapahes tab meeg cov tibneeg Yahdah 10 thiab hais rau lawv tias, (יחוח)Yahweh tus muaj hwjchim loj kawg nkaus, uas yog Ixayees Tus Tswv hais li no tias, saib maj, kuv yuav hu thiab coj vajntxwv Nenpukhanexa‎s hauv Npanpiloos uas yog kuv tus qhev tuaj, mas nws  yuav txawb nws lub zwm txwv thiab tsa nws lub tsev ntaub vajntxwv rau saum tej pob zeb uas kuv muab zais cia no. 11 Nws yuav tuaj ntaus Iziv tebchaws, mas cov uas twb npaj rau kev mob kis kuj yuav muab rau kev mob kis, thiab cov uas twb npaj rau luag ntes mus, kuj muab rau luag ntes mus, cov uas twb npaj rau hniav ntaj hniav riam, kuj muab rau hniav ntaj hniav riam. 12 Nws yuav zes taws hlawv Iziv tej tsev dab, thiab muab hlawv pov tseg thiab lws lawv tej dab mlom coj mus. Nws yuav muab lub tebchaws Iziv ntxuav ib yam li tus yug yaj ntxhua lub tsho ntev kom tuv ploj tag, thiab nws yuav tawm qhov ntawd mus tso siab plhuav. 13 Nws yuav muab tej ncej teev dab hauv lub moos Heli‑aupolis hauv Iziv tebchaws rhuav tag, thiab yuav muab hluavtaws hlawv Iziv tej tsev dab pov tseg.