ROMANS 2:28-29
Txhua yam kev txhaum thiab tej lus uas hais tuam mom yuav zam tau rau tibneeg. Tiamsis tus uas hais lus tuam mom Tus Ntsuj Plig Dawbhuv, mas yuav tsis muaj ib hnub uas zam tau tus ntawd li, nws yuav muaj txim mus ib txhis.
YAHCHANAN 3:28-29
Qhov uas ua kevcai txiav tiag tiag tsis yog ua sab nraum daim tawv xwb. Tiamsis yog ua hauv lub siab, raws li Tus Ntsuj Plig Dawbhuv, tsis yog raws li txoj kevcai uas sau cia.
YAHCHANAN 12:30-31
1. Koj yuav tau hlub Abba Yahweh uas yog koj Txiv kawg siab kawg ntsws, kawg plab kawg plaws, thiab kawg dag kawg zog.
​
2. Koj yuav tau hlub kwvtij zej zog ib yam li koj hlub koj tus kheej.
YEREMYAH 45
(יחוח)Yahweh Cog Lus Rau Npalus
1 Xyoo plaub uas Yauxiyas tus tub Yehauyakhis ua vajntxwv kav mas Neliyas tus tub Npalus tau muab cov lus no los sau rau hauv thooj ntawv raws li xibhwb Yeremyah kom nws sau. No yog tej lus uas Yeremyah hais ntxiv.
2 Npalus es,
(יחוח)Yahweh tus muaj hwjchim loj kawg nkaus uas yog Ixayees Tus Tswv, hais rau koj li no tias, 3 Koj hais tias, kuv raug txom nyem, vim yog (יחוח)Yahweh tsav kev ntxhov siab nyuaj siab rau kuv tej kev mob. Kuv ntsaj txog siav lawm, tsis tau so li.
4 Koj cia li hais rau nws tias, (יחוח)Yahweh hais li no, Saib maj, yam uas kuv tsim tau los, kuv yuav muab rhuav pov tseg, thiab yam uas kuv cog tau kuv yuav muab dob tseg, tej ntawd yog lub tebchaws huvsi.
5 Mas koj tseem yuav nrhiav meej mom loj rau koj no lov? Tsis txhob nrhiav lawm lauj. Rau qhov (יחוח)Yahweh hais tias, saib maj, kuv tabtom tso xwm txheej phem los rau tej tibneeg sawvdaws, kuv yuav pub koj tau txojsia ua nqe zog hauv tshav rog rov los hauv txhua qhov uas koj mus.