Tej Lus Uas Hais Txog Cov Filixatees

1 (יחוח)Yahweh tej lus uas hais tuaj rau Yeremyah‎ uas yog xibhwb cev

(יחוח)Yahweh lus hais txog cov Filixatees, yog ua ntej uas Falaus tsis tau ntaus lub moos Kaxas.

2(יחוח)Yahweh hais li no tias, saib maj, tej dej tabtom ntws sab qaum teb ped los yuav nphau tej niag nthwv tuaj, yuav nyab lub tebchaws thiab txhua yam uas nyob hauv, tsis hais lub nroog thiab tej tibneeg uas nyob hauv. Tibneeg yuav quaj qw, txhua tus uas nyob hauv lub tebchaws yuav quaj nyiav.

3 Thaum uas hnov nws tej txiv nees suab rau nrov, thiab hnov tej tsheb nees ua rog khiav ceev tuaj, thiab hnov lub suab faus tsheb nrov vig voog tuaj, leej txiv tsis tig los saib nws tej menyuam li vim nws txhais tes tsaug leeg lawm, 4 vim yog hnub uas cov Filixatees yuav puam tsuaj huvsi twb los txog lawm, uas yog hnub uas yuav rhuav tshem cov tibneeg uas tseem tshuav nyob uas yuav pab lub nroog Thailab thiab lub moos Xaidoos. (יחוח)Yahweh rhuav cov Filixatees puam tsuaj tag, yog cov uas tuaj ntawm ntug hiavtxwv Khathaus uas tseem tshuav nyob.

5 Lub moos Kaxas chais plaubhau nyob do hau cuas lawm, thiab lub moos Akheloos nyob ntsiag to. Cov uas nyob nruab tiag uas tseem tshuav nyob es, nej yuav suam nej lub cev ntev li cas?

6 Au (יחוח)Yahweh rab ntaj, tseem yuav ntev li cas koj li so? Cia li nkag rau hauv lub hnab ntaj, cia li so thiab nyob twjywm.

7 Thaum (יחוח)Yahweh txib lawm nws yuav nyob twjywm tau li cas? (יחוח)Yahweh tsa rab ntaj ntawd tawm tsam Akheloos thiab cov uas nyob ntawm ntug hiavtxwv.

​