Cov Tebchaws Uas Nyob Ib NcigYuav Puam Tsuaj

1 Tsoom zeej tibneeg uas tsis paub txaj muag es, cia li sau zog tuaj txoos ua ke,

2 ua ntej uas nej tsis tau raug muab ntiab khiav mus yam nkaus li tej npluag qoob uas cua ntsawj ya tag, thiab ua ntej uas (יחוח)Yahweh  kev chim heev tsis tau los txog nej, thiab ua ntej uas tsis tau txog hnub uas (יחוח)Yahweh  npau taws rau nej.

3 Txhua tus uas txo hwjchim hauv lub teb chaws no thiab ua raws li (יחוח)Yahweh  qhia mas cia li nrhiav (יחוח)Yahweh . Cia li nrhiav txojkev ncaj ncees, cia li nrhiav ncauj kev txo lub siab kom qes mas tej zaum nej yuav tau chaw nraim cev rau hnub uas (יחוח)Yahweh  npau taws.

​

Hais Txog Cov Filixatees

4 Lub moos Kaxas yuav tsis muaj tibneeg nyob hauv lawm, lub moos Akheloos yuav nyob do cuas cia, lub moos Asadaus yuav raug muab ntiab khiav rau thaum tav su, thiab lub moos Ekhoos yuav raug muab rhuav pov tseg.

5 Nej cov tibneeg Khelethis uas nyob ntawm ntug hiavtxwv es, nej yuav raug puam tsuaj lauj! (יחוח)Yahweh  cov lus tawm tsam nej lauj! Cov tibneeg Khana‑as, tebchaws Filixatees es, kuv yuav ua rau nej puam tsuaj tsis tseg ib tug li.

6 Cov tebchaws uas nyob ntawm ntug hiavtxwv es, nej yuav ua tshav zaub rau luag yug yaj, ua nkuaj rau luag kaw yaj kaw tshis.

7 Cov tebchaws uas nyob ntawm ntug hiavtxwv yuav poob ua cov Yahdah uas tseem tshuav nyob tug. Lawv yuav yug yaj qhov ntawd thiab thaum tsaus ntuj lawv yuav pw hauv Akheloos tej vaj tse.

Rau qhov (יחוח)Yahweh  uas yog lawv Tus Tswv yuav mob siab lawv yuav pub lawv rov vam meej li qub.

​

Hais Txog Mau‑as Thiab Asmoos

8 Kuv twb hnov cov Mau‑as cem, kuv twb hnov cov Asmoos thuam. Lawv cem kuv cov tibneeg thiab lawv khav ntxhias txog lawv tej ciam teb ciam chaw.

9 (יחוח)Yahweh  uas muaj hwjchim loj kawg nkaus uas yog cov Ixayees Tus Tswv hais tias, vim li no, kuv yeej muaj txojsia nyob, mas cov Mau‑as yuav zoo yam li lub moos Xaudoos, cov Asmoos yuav zoo yam li lub moos Kaumaulas. Lawv tebchaws yuav ciaj hav nroj zaub kig, ciaj qhov ntsev thiab yuav ciaj quav poj ib txhis. Kuv haiv neeg uas tseem tshuav nyob yuav mus lws lawv, thiab kuv cov tibneeg uas tseem muaj nyob yuav txeeb tau tej tebchaws ntawd los ua lawv tug.

10 Tej no yog pauj qhov uas lawv khav theeb, vim lawv saib tsis taus thiab thuam (יחוח)Yahweh  uas muaj hwjchim loj kawg nkaus cov tibneeg lawm.

11 (יחוח)Yahweh  yuav ua rau lawv ntshai nws kawg nkaus li, vim yog (יחוח)Yahweh  ua rau txhua tus dab hauv lub qab ntuj no yuag yuag qhuav qhawv. Mas txhua lub tebchaws hauv ntiajteb yuav khoov ntshis pe hawm

(יחוח)Yahweh  rau hauv nyias lub tebchaws.

​

Hais Txog Khuj Thiab Axilias

12 Cov tibneeg Khuj es, nej yuav raug kuv hniav ntaj tua tag thiab.

13 (יחוח)Yahweh  yuav tsa nws txhais tes ntaus lub tebchaws uas nyob sab ped thiab ua rau Axilias puam tsuaj, thiab yuav ua rau lub nroog Ninaves pob tag nyob do cuas cia, thiab yuav qhuav qhawv yam li ntuj nrag teb do.

14 Tej niag pab tsiaj txhu thiab ib puas tsav yam tsiaj qus yuav pw hauv nruab nrab lub nroog ntawd. Lib nyug me thiab lib nyug loj yuav los nyob saum tej hau ncej tse. Plas yuav los quaj ntawm tej qhov rais, thiab uab lag yuav quaj zom zaws ntawm tej taw rooj. Tej ntsa tsev uas xuas ntoo ciab ua nyob ziab tshav raug nag xwb.

15 No yog lub nroog uas nyob khav ntxhias thiab tso siab lug, yog lub nroog uas xav hauv lub siab tias, tsuas yog

kuv xwb, tsis muaj leejtwg zoo cuag kuv lawm. Twb yog lub nroog uas nyob do cuas cia ua chaw rau tsiaj qus pw. Txhua tus uas taug kev tuaj zij ncaug rub nrim rau lub nroog Ninaves.