Yeluxalees Lub Txim Thiab (יחוח)Yahweh  Kev Cawm

1 Lub nroog Yeluxalees uas fav xeeb rau    (יחוח)Yahweh  ua phem ua qias quab yuam nws cov tibneeg yuav raug txom nyem lauj!

2 Nws tsis mloog leejtwg hais, tsis yuav leejtwg nplawm thiab qhuab qhia. Nws tsis tso siab rau (יחוח)Yahweh  thiab nws tsis txav los ze nws Tus Tswv.

3 Cov nom tswv hauv lub nroog no yog cov tsov ntxhuav uas nyooj laws. Cov uas tu plaub kuj yog cov hma uas nrhiav noj hmo ntuj tsis kam tseg ib qho nqaij cia txog kaj ntug.

4 Nws cov xibhwb cev (יחוח)Yahweh  lus yog tibneeg loj leeb tibneeg fav xeeb. Cov pov thawj kuj muab tej uas dawb huv rau (יחוח)Yahweh  ua qias tsis huv, thiab lawv txhob txwm tsis ua raws li (יחוח)Yahweh  kevcai.

5 (יחוח)Yahweh  uas nyob hauv lub nroog no mas ncaj ncees, nws tsis ua ib qho txhaum li. Txhua tagkis (יחוח)Yahweh  txiav cai ncaj, nws ua li ntawd rau txhua hnub kaj tsis tu li, tiamsis tej tibneeg uas ua tsis ncaj tsis paub txaj muag li.

6 Kuv twb muab tej tebchaws rhuav tshem tag, ua rau lawv tej chaw zov khuav saum tej ntsa loog pob tag lawm. Kuv ua kom tej kev hauv lub nroog ntawd pob tag nyob do cuas tsis muaj tibneeg taug, thiab kuv twb ua rau lawv tej moos nyob do cuas tsis muaj tibneeg, tsis muaj ib tug nyob hauv lawv lawm.

7 Kuv hais tias, lub nroog ntawd yeej yuav ntshai thiab hwm kuv xwb, thiab yuav mloog kuv tej lus qhuab ntuas. Nws yuav tsis muab kuv tej lus qhuab lus qhia pov tseg. Tiamsis lawv yimhuab siv zog ua txhua yam kom phem kom qias. 8 (יחוח)Yahweh  hais tias, Vim li no nej cia li nyob tos kuv, tos hnub uas kuv sawv tsees ua timkhawv. Kuv twb npaj siab cia lawm tias kuv yuav sau zog ib tsoom tibneeg thiab txhua lub tebchaws tuaj ua ke, kuv yuav nchuav kuv txojkev chim uas npau taws ceev kawg los rau saum lawv sawvdaws. Qhov uas kuv khib xeeb thiab npau taws yuav hlawv ib puas tsav yam hauv qab ntuj no huvsi pov tseg.

9 Thaum ntawd kuv yuav muab ib tsoom tibneeg tus nplaig hloov kom lawv tau tus nplaig dawb nplaig huv, kom sawvdaws thiaj li txawj hu thov (יחוח)Yahweh  lub npe thiab txawj ua ib lub siab ua koom tu nws.

10 Kuv cov tibneeg uas thov kuv, cov uas raug muab ntiab khiav ua sab ua sua lawm, lawv yuav coj qhov txhia chaw hla niag dej hauv Khuj tebchaws tuaj xyeem rau kuv.

11 Hnub ntawd nej yuav tsis raug txaj muag rau qhov uas nej ua phem fav xeeb rau kuv, vim lub sijhawm ntawd kuv yuav muab cov uas khav theeb tuam mom rho tawm hauv nej mus, mas nej yuav tsis tshoob hawb rau saum kuv lub roob dawb huv dua li lawm.

12 Kuv yuav tseg cov uas tsis muab hlob, cov uas txo lub siab rau hauv nej nruab nrab. Lawv yuav nrhiav chaw nraim cev rau hauv (יחוח)Yahweh  lub npe.

13 Cov tibneeg uas tshuav nyob hauv cov Ixayees mas lawv yuav tsis ua txhaum thiab tsis hais tej lus dag, yuav nrhiav tsis tau ib tug nplaig dag hauv lawv tej qhov ncauj kiag li. Lawv yuav noj yuav haus pw tso siab lug, tsis muaj leejtwg yuav ua rau lawv ntshai.

14 Xi‑oo tus ntxhais es, cia li hu nkauj. Cov Ixayees es, cia li qw nrov. Yeluxalees tus ntxhais es, cia li zoo siab xyiv fab hlo.

15 (יחוח)Yahweh  twb tseg tsis rau txim rau nej lawm. Nws twb ntiab nej cov yeeb ncuab tawm khiav tag lawm.

(יחוח)Yahweh  uas yog cov Ixayees Tus Vajntxwv nyob hauv nej nruab nrab mas nej yuav tsis ntshai tej xwm txheej phem dua li lawm.

16 Hnub ntawd luag yuav hais rau Yeluxalees tias, Xi‑oo es, koj tsis txhob ntshai, koj tsis txhob cia koj txhais tes tsaug leeg li.

17 (יחוח)Yahweh  uas yog nej Tus Tswv twb nyob hauv nej nruab nrab, nws yog tus uas txawj ntaus rog pab tau nej kov yeej. Nws yuav zoo siab kawg li rau nej thiab nws yuav muab nej tsim dua tshiab vim yog nws hlub nej kawg li. Nws yuav hu nkauj zoo siab xyiv fab kawg li rau nej, 18 yam nkaus li thaum nej ua kevcai noj haus. Kuv yuav tshem tej vij sub vij sw ntawm nej mus kom nej thiaj tsis raug luag thuam.

19 Txog thaum ntawd kuv yuav rau txim rau txhua tus uas quab yuam nej. Kuv yuav cawm cov uas ceg tawv, thiab kuv yuav qaws cov tibneeg uas tawg khiav ua sab ua sua lawd rov los thiab kuv yuav muab lawv tej kev poob ntsej muag ntxeev ua kom luag qhuas thiab tau koob meej nrov nto moo thoob ntiajteb.

20 Thaum ntawd kuv yuav qaws nej sawvdaws los ua ke coj nej los nyob rau hauv nej qub vag qub tse. Kuv yuav ua kom nej rov tau koob meej thiab ib tsoom tibneeg hauv qab ntuj yuav qhuas nej, yog thaum uas kuv pub nej rov vam meej li qub. Nej qhov muag yeej yuav pom ntag. (יחוח)Yahweh  hais li no ntag.