Txhib Kom Ua Lub Tuam Tsev

1 Hnub xiab ib lub rau hli xyoo ob uas Dalias ua vajntxwv,(יחוח)Yahweh  kom Chagyah uas ua xibhwb cev lus mus hais (יחוח)Yahweh  tej lus rau Se‑athi‑ees tus tub Xelunpanpees uas ua thawj kav lub xeev Yahdah thiab hais rau Yehauxadas tus tub Yahshua uas ua tus tuam pov thawj hlob, hais tias,

2 (יחוח)Yahweh  uas muaj hwjchim loj kawg nkaus hais li no tias, cov neeg no hais tias, tsis tau txog sijhawm ua dua (יחוח)Yahweh  lub tuam tsev.

3 Mas (יחוח)Yahweh  hais tuaj rau Chagyah uas ua xibhwb cev lus tias, 4 lub sijhawm no tsim nyog nej nyob hauv tej tsev uas xov dua ib txheej ntoo tiamsis lub tuam tsev no tseem pob tag ua tej niag pawg cia lov?

5 Vim li no, nimno (יחוח)Yahweh  uas muaj hwjchim loj kawg nkaus thiaj hais li no tias, nej cia li ua tib zoo saib nej lub neej nyob li cas lawm.

6 Nej tseb ntau kom sau tau tsawg, nej noj tiamsis tsis tsau, nej haus tiamsis tseem nqhis, nej hnav tiamsis tsis muaj leej twg sov. Cov uas ua zog kuj tau nqe zog los cia rau hauv lub hnab uas to qab.

7 (יחוח)Yahweh  uas muaj hwjchim loj kawg nkaus hais li no tias, cia li ua tib zoo saib nej lub neej nyob li cas lawm.

8 Cia li nce mus txiav ntoo pem roob coj los ua lub tuam tsev, kuv thiaj txaus siab rau lub tuam tsev ntawd thiab tau koob meej. (יחוח)Yahweh  hais li no ntag. 9 Nej vam tias yuav tau ntau tiamsis tsuas yog tau tsawg xwb. Thaum nej sau qoob los rau hauv tsev, kuv muab tshuab ya ploj tag lawm. (יחוח)Yahweh  uas muaj hwjchim loj kawg nkaus hais tias, ua cas ho zoo li ntawd? Kuj yog vim kuv lub tuam tsev pob tag ua tej niag pawg, los nej txhua tus nyias tseem rau siab ntso ua nyias lub tsev xwb.

10 Vim li no, lub ntuj saum nej thiaj tauv dej lwg cia, thiab lub ntiajteb thiaj muab tej qoob loo foob lawm

11 Thiab kuv hu txojkev qhuav nkig nkuav los rau hauv lub tebchaws thiab saum tej roob, thiab rau saum tej qoob loo, cawv txiv hmab tshiab, roj, thiab txhua yam uas tawm hauv av tuaj, thiab rau tibneeg thiab tsiaj txhu thiab txhua yam uas lawv txhais tes ua.

12 Mas Se‑athi‑ees tus tub Xelunpanpees thiab Yehauxadas tus tub Yahshua uas ua tus tuam pov thawj hlob, thiab cov peejxeem uas tseem tshuav nyob sawvdaws kuj mloog lawv Tus Tswv (יחוח)Yahweh  tej lus thiab tej lus uas Chagyah uas ua xibhwb cev lus hais, vim yog lawv Tus Tswv (יחוח)Yahweh  txib nws los. Thiab cov pejxeem kuj paub ntshai (יחוח)Yahweh .

13 Chagyah, uas yog (יחוח)Yahweh  tus tubtxib thiaj hais (יחוח)Yahweh  tej lus rau cov pejxeem hais tias,  (יחוח)Yahweh  hais tias, kuv nrog nraim nej nyob.

14 Thiab (יחוח)Yahweh  ua rau Se‑athi‑ees tus tub Xelunpanpees uas ua thawj kav lub xeev Yahdah thiab Yehauxadas tus tub Yahshua uas ua tus tuam pov thawj hlob, thiab cov peejxeem uas tseem tshuav nyob sawvdaws kub siab lug, mas lawv thiaj tuaj ua lawv Tus Tswv (יחוח)Yahweh  uas muaj hwjchim loj kawg nkaus lub tuam tsev, 15 rau hnub tim nees nkaum plaub, lub rau hli ntawd, yog xyoo ob uas Dali‑as ua vajntxwv.